Jeremi 32:43 - Sră Goh 2018

⁴³ Cau rơp blơi sre tòm lơgar do mơ bol mê đơs lah: “Hơ̆ la dô bă tiah lòi srau, ò gơs cau ơm, kung ò gơs phan poan jơng, neh kong phi tòm tê cau Kalde.”

Jeremi 32:43 交叉參考

Jeremi 32:15

Bơh Yàng Jehôwa Gơnap Gơnoar Dờng Làm Jơh la Yàng Tom Trồ Israel dê, đơs be do: ‘Cau rơp gam blơi hìu, sre, mơ suơn ño tòm lơgar do tai sơl.’

Jeremi 32:36

Gen tàng tŭ do, bơh ƀòn dờng do, mơ bol mê đơs lah gơ neh phi tòm tê bơtau Babilôn bơh pềs tà, jơgloh rung, pluh plàng, gen Jehôwa, Yàng Tom Trồ Israel dê, đơs be do:

Jeremi 33:10

Yàng Jehôwa đơs be do: ‘Tòm tiah do bol mê neh đơs: “Hơ̆ la dô bă tiah srau gòi; ò gam gơs cau ơm, kung ò gơs phan poan jơng;” tòm ală ƀòn cau Juda, mơ ală gùng ƀòn dờng Jerusalem dê, hơ̆ la ală tiah neh kong sang lòi ngềt ngơt, ò gơs cau ơm, ò gơs làng bol ơm, kung ò gơs phan poan jơng,

Jeremi 32:25

Ơ Yàng Jehôwa, Kơnràñ neh đơs mơ añ lah: “Ai tĕ khà priă blơi sre do, mơ jà ală cau lơh cơng.” Mơ ne, ƀòn dờng neh kong phi tòm tê cau Babilôn!’”

Jeremi 33:12

Yàng Jehôwa Gơnap Gơnoar đơs be do: ‘Tòm tiah do la tiah lòi srau, ò gơs cau ơm, kung ò gơs phan poan jơng, mơ tòm ală ƀòn gơ, rơp gơs wơl ală ƀlàng ñhơt cau ê in lòi mpồl he ơm bic rlô.

Ejekiel 28:26

Bol khai rơp ơm ring lơngai tòm hơ̆, rơp bơt hìu mơ tam suơn ño; bol khai rơp ơm tòm bơta ring lơngai, tòm tŭ Añ lơh gơlik gơs bơta cahrña hơđang ală làng bol ơm rềp di bol khai, la ală làng bol neh sền òsơp di bol khai. Gen bol khai rơp git lah Añ la Jehôwa Yàng Tom Trồ bol khai dê.”