12 Añ tong sră cơng tàng blơi sre hơ̆ Baruk in, kòn klau Neriya, sau Maaseya, di đap Hanamel, kòn klau wa añ, di đap ală cau lơh cơng neh cih sơnđan mat tòm sră cơng tàng tac sre, mơ di đap jơh ală cau Juda ơm nggui tòm rơng hìu cau ling kơp gàr.
Di đap bol khai, añ nting sồr Baruk lah:
Tơnơ̆ mơ tŭ añ neh dòp sră cơng tàng blơi sre Baruk in la kòn klau Neriya, gen añ hòi dan mơ Yàng Jehôwa lah:
Bơtau ai gơnoar sồr Jerakmel, kòn klau Hamelek, mơ Seraya, kòn klau Asriel, mơ Selemia, kòn klau Apdiel, lòt kup cau gơnoar cih Baruk mơ cau gơnoar hwơr Jeremi; mơya Yàng Jehôwa pồn bàr nă dĭ gơna Kơnràñ dê.
Gen Jeremi ai dô dap sră ndai tong cau gơnoar cih Baruk, kòn klau Neriya in; Baruk bơh bơr Jeremi mơ cih wơl kòp jơnau tòm dap sră lài mơ Jehôyakim bơtau Juda, neh chu tòm ồs. Gơs oă jơnau tòm toh bal neh bơtơl tòm hơ̆.
Do la jơnau cau gơnoar hwơr Jeremi nting sồr Seraya, kòn klau Neriya, sau klau Mahaseyah, tòm tŭ khai lòt bal mơ Jedekia bơtau Juda tus hơ lơgar Babilôn tòm nam dơ̆ poan rài bơtau hơ̆. Tŭ hơ̆ Seraya la kwang at bồ tòm gơlang bơtau.
Bơh bol hi rcang kơlôi bơta niam ò di mìng di đap Yàng mơ kung di đap ală cau sơl.
