Jeremi 28:6 - Sră Goh 2018

⁶ Cau gơnoar hwơr Jeremi đơs lah: “Amen! Dan Yàng Jehôwa lơh behơ̆! Dan Yàng Jehôwa lơh wil tơl ală bơta jat be jơnau mê neh đơs hwơr, cèng ală phan ngui tòm hìu Yàng Jehôwa mơ jơh ală cau gơs dĭ bơh Babilôn rê wơl tòm tiah do!

Jeremi 28:6 交叉參考

I Ală Bơtau 1:36

Benayah kòn klau Jehôyada ho wơl mơ bơtau lah: “Amen! Yàng Jehôwa la Yàng Tom Trồ cau tòm añ jê la bơtau kung neh yal tơnggit behơ̆.

I Yal Yau 16:36

Pal jòng ro Yàng Jehôwa la Yàng Tom Trồ Israel dê, bơh sùm sùm tus di sùm sùm. Gen jơh làng bol đơs “Amen” mơ “Jòng ro Yàng Jehôwa.”

Đơs Crih 106:48

Jòng ro Jehôwa la Yàng Tom Trồ Israel dê jơl sùm sùm ò lồi! Mơ jơh làng bol đơs tĕ lah: “Amen!” Jòng ro Yàng Jehôwa!

Đơs Crih 41:13

Pal jòng ro Yàng Jehôwa la Yàng Tom Trồ Israel dê, Bơh sùm sùm jơl tus sùm sùm ò lồi! Amen! Amen!

Đơs Crih 72:19

Pal jòng ro sơnđan gơklŏ Kơnràñ dê jơl tus sùm sùm! Dan bơta gơklŏ Kơnràñ dê bềng lìu làm jơh plai ù! Amen, Amen!

Đơs Crih 89:52

Pal jòng ro Yàng Jehôwa jơl sùm sùm. Amen! Amen!

Jeremi 11:5

tồ Añ in lơh gơs bơta srat să Añ neh ho bal mơ ồng pàng bol mê dê, mơ ai bol khai in dô nơm lơgar bềng dà toh mơ dà lơwe, be bol mê gŏ ngai do.’” Gen añ ho wơl lah: “Khoai Yàng Jehôwa! Amen!”

Jeremi 17:16

Ai añ, añ ò sang gơnoar broă ê gàr tòm bơta duh broă Kơnràñ. Añ kung ò kơp gơn tơngai bòl glar, Kơnràñ ngan neh git. Jơnau lik bơh bơr añ jê.

Jeremi 18:20

Bơta iơh rgơi tơm wơl bơta niam ơ? Bơh bol khai neh tò trồm lơh iơh bơta kis añ in. Dan kah wơl mbe añ neh ntào di đap Kơnràñ, Bơh bol khai mơ dan bơta lơngai, Bơta gơjrañ Kơnràñ dê wèt ngài bơh bol khai.

Jeremi 28:3

Tòm bàr sơnam wil tơl, jơh ală phan ngui hìu Yàng Jehôwa dê mơ Nebukatnessar, bơtau Babilôn, neh tă tơlik bơh tiah do cèng tus hơ Babilôn, gen Añ rơp cèng rê wơl tòm tiah do.’

Sacari 6:10

“Ai tĕ priă mơ màh bơh di ală cau kong kup cèng la Heldai, Tôbija, mơ Jedaiya neh rê wơl bơh Babilôn. Kung tòm ngai hơ̆ lòt tus tĕ hơ hìu Jôsia, kòn klau Sôphôni.

Khà Làng Bol 5:22

Dan dà do la dà cèng tus dô bơta srat sơntơm rơp mut tòm să jan ai dê tian gơs kơndul ai dê gơ as pŭ mơ bơnô ai dê gơ ồm.” Gen cau ùr pal đơs lah: “Amen. Amen!”

Mathiơ 28:20

Mơ bơto bol khai lơh jat jơh ală bơta Añ neh sồr bol mê. Mơ do, Añ ơm sùm mơ bol mê jơl tus di lồi dut rài.”

Mathiơ 6:13

Dan bañ tơmut bol hi tòm bơta ơniai, mơya dong bol hi klàs bơh bơta iơh. [Bơh lơgar, gơnap gơnoar, gơklŏ gơrê bal mơ Bèp sùm sùm. Amen.’]

I Kôrintô 14:16

Dilah ò behơ̆, dilah mê mìng ai hwềng nùs mơ ưnngài, gen cau nggui tềng hơ̆ ò git wă jơnau mê đơs la ñchi, gen mbe khai git wă jơnau ưnngài mê dê mơ đơs “Amen” taih?

II Kôrintô 1:20

Bơh jơh ală jơnau ho pơgon Yàng Tom Trồ dê, bulah oă kung la di lơm tòm Kơnràñ, gen tàng bơh Kơnràñ mơ bol he đơs “Amen” nàng bơh bol he mơ Yàng Tom Trồ geh gơklŏ.

Yal Tơlik 1:18

Añ la Bơtau Kis; Añ neh chơt, mơ do Añ kis gam sùm sùm, at ală kai mpồng Bơta chơt mơ Lơgar Làng ƀồc.

Yal Tơlik 19:4

Bàr jơt poan nă cau kwang kra bal mơ poan nơm phan wìn kis tơmbic să duh khoai Yàng Tom Trồ la Bơtau nggui hơđang sơbàn, mơ đơs lah: “Amen. Haleluya!”

Yal Tơlik 3:14

“Cih tĕ cau gơnrơh Hìu Jum Goh Laodise in lah: Do la ală jơnau đơs Bơtau Amen dê, la Bơtau lơh cơng dòn song mơ song ngan, la tòm ryas bơta crơng gơs Yàng Tom Trồ dê:

Yal Tơlik 5:14

Mơ poan nơm phan wìn kis ho wơl lah: “Amen.” Mơ ală cau Kwang kra tơmbic să mơ duh khoai.