Jeremi 2:10 - Sră Goh 2018

¹⁰ Lòt tus tĕ hơ bồt pơlào Kittim mơ sền! Sồr cau tus hơ Keda, mơ sền nề nề; lòng sền dilah tềng hơ̆ gơs ală broă behơ̆ sơl.

Jeremi 2:10 交叉參考

Sơnròp Gơlik Gơs 25:13

Mơ do la ală sơnđan kòn klau Ismael dê, pơnjat mơ ngai deh: kòn tơnhoa Ismael la Nebayôt, cau tơnơ̆ la Kedar, Atbeel, Mipsam,

I Ală Bơtau 9:9

Gen bol khai rơp đơs lah: ‘Tài bơh bol khai neh sang lòi Jehôwa Yàng Tom Trồ bol khai dê, la bơtau neh cèng ồng pàng bol khai dê lik klàs bơh lơgar Ejiptơ; bol khai neh koar ală yàng ndai, duh khoai ală yàng hơ̆, mơ duh broă bol gơ; gen tàng, Yàng Jehôwa neh cèng bơta rung rài do hơđang bol khai.’”

I Yal Yau 1:7

Ală kòn sau Jaban dê la: Elisa, Tarsis, Kittim mơ Rôdanim.

I Yal Yau 23:1

Tòm tŭ Dabit neh kra mơ jòng sơnam, khai pồ bơtào Salômôn kòn klau khai dê gơs bơtau at bồ hơđang Israel.

I Yal Yau 23:12

Ală kòn klau Kôhat dê la Amram, Isar, Hebrôn mơ Usjiel, jơh ală la poan nă.

Đơs Crih 120:5

Bòl glar añ in bơh añ ơm ing tòm Mesek, Mơ añ pal ơm digùl ală sàl Kedar dê.

Esai 21:16

Do la jơnau Yàng Jehôwa neh đơs mơ añ: “Tòm dô nam tai, jat be nam ală cau lơh ơpah, bơta gơklŏ Keda dê rơp lồi.

Esai 23:1

Jơnau đơs hwơr bơh Tirơ: Ơ ală ơhò Tarsi, ñìm rac tĕ! Tài bơh Tirơ neh kong tơnroh, ò gam hìu tum hala gùng lòt! Tòm tŭ bol khai tus bơh Kittim, bol khai neh git bơh jơnau yal hơ̆.

Esai 23:12

Kơnràñ neh đơs lah: “Ơ Kòn ơruh dềt Sidôn dê la ală cau kong rồn bơklơn, ai rơp ò gam hòn chò tai. Guh tĕ, tiă tus hơ Kittim, bulah tềng hơ̆ ai kung rơp ò geh rlô.”

Jeremi 49:28

Bơh Keda mơ ală lơgar bơtau Hajor mơ Nebukatnessar bơtau Babilôn neh lơh alah. Yàng Jehôwa đơs be do: “Guh tĕ, lòt lơh Keda, Tơnroh ală làng bol đah mattơngai lik.

Ejekiel 16:16

Ai ngui ồi ào ai dê nàng lơh ală tiah jòng hàng mơnĕ, tềng hơ̆ ai lơh bơta dri tơlàr. Ală bơta hơ̆ ò di pal gơs, mơ kung ò di gơs tŭ lơi gơlik tus.

Ejekiel 27:21

Cau Arabi mơ jơh ală cau kwang at bồ tòm Kedar la ală cau kă bro mơ mê, bol khai kă bro mơ mê mơ ală belàt kòn, belàt dam, mơ be dam.

Ejekiel 27:6

ai chi gus Basan dê lơh gơs ală gai wàs ơhò mê dê; ai chi rmit rò gah dàlềng Kittim dê lơh gơs mpàn tìm, ƀềp mơ bla rwas.

Ejekiel 5:7

Gen tàng, Jehôwa Yàng Tom Trồ đơs be do: ‘Tài bơh mê neh kơldang bồ rlau mơ ală làng bol ơm gùt dar bol mê, ò lơh jat ală bơta sồr lam Añ jê hala prap gàr ală bơta boh lam Añ jê. Mơya bol mê lơh jat ală bơta boh lam jơh ală làng bol ơm gùt dar bol mê.’

Daniel 11:18

Tơnơ̆ hơ̆, khai wèt hơ bồt pơlào rò gah dàlềng mơ tòmpìt oă tiah. Mơya dô nă cau kwang at bồ ling rơp pơndut bơta pơnhừ să khai dê, mơ lơh bơta pơnhừ să bơtau dê tòmdră wơl mơ bơtau.

Daniel 11:30

Tài bơh ală ơhò bơh Kittim rơp tus tòmsò mơ khai, gen tàng khai kơlôi rngòt mơ rê wơl. Tòm gùng rê wơl, khai rơp gơhào gơjrañ tòmsò mơ bơta ho bal sàng goh. Khai rơp rê wơl mơ yal tơlik bơta nđàc gơwèt hơ ală cau sang lòi bơta ho bal sàng goh.

Khà Làng Bol 24:24

Ală ơhò rơp tus bơh di ală gah dàlềng Kittim dê; bol gơ rơp at bồ hơđang Assur mơ Eber, mơya bol khai kung rơp kong roh rui.”

I Kôrintô 5:1

Neh kơno lah tòm mpồl oh mi gơs glài rềs àr bơrnàn, mơ bơta rềs àr bơrnàn hơ̆ kung ò di gơs digùl cau làng bol bơdìh, hơ̆ la dô nă cau tìs glài mơ bau ùr bèp khai dê.

Ală Kwang Cahrña 19:30

Kòp nă cau gŏ bơta hơ̆ gen đơs lah: “Bơta behơ̆ ò tŭ lơi gŏ hala gơlik gơs bơh di tŭ làng bol Israel lik bơh lơgar Ejiptơ jơl tus di ngai do. Kơlôi sơnơng tĕ bơh bơta hơ̆! Ơn nùs kơlôi tĕ! Yal bol he in git ñchi pal lơh!”