Jeremi 17:18 - Sră Goh 2018

¹⁸ Dan Kơnràñ lơh ală cau kup kơryan añ jê kong ƀàssìl, Mơya bañ lòi añ kong ƀàssìl; Lòi bol khai gơlik rngòt rngơt, Mơya bañ lòi añ kòl rngòt rngơt! Dan cèng ngai rung rài tus hơđang bol khai, Mơ tơnroh bol khai tơrlah tơrling bàr dơ̆ rlau!

Jeremi 17:18 交叉參考

Sră Jop 16:14

Kơnràñ lơh añ in jê sồt do tus jê sồt ndai; Brồ lơh añ kung be dô nă cau ling tòmlơh.

Đơs Crih 35:4

Cau lơi jòi tơnchơt bơta kis añ, lòi bol khai gơkòl ƀàssìl mơ bơtat bơtròh! Cau lơi kòñ lơh iơh di añ, lòi khai ruc wơl mơ gơkòl ƀàssìl!

Đơs Crih 35:8

Lòi bơta roh rui nisơna tus hơđang bol khai! Bơtơng bol khai dang òm lòi gơ yar wơl să tòm bol khai, Lòi bol khai dùh tòm hơ̆, mơ kong roh rui tơn.

Đơs Crih 40:14

Ală cau lơi jòi bơta nàng tơnchơt añ, Lòi bol khai in kòl ƀàssìl mơ sơlồng sơlàng jơh lơm; Ală cau lơi kòñ lơh iơh di añ, lòi bol khai in ruc wơl mơ ƀàssìl.

Đơs Crih 70:2

Ală cau jòi bơta nàng tơnchơt añ, Dan lòi bol khai in kòl ƀàssìl mơ sơlồng sơlàng; Ală cau kòñ lơh iơh di añ, dan lòi bol khai in ruc wơl mơ ƀàssìl.

Đơs Crih 71:1

Ơ Yàng Jehôwa, añ kìng crŭ tòm Kơnràñ; Dan bañ tŭ lơi lòi añ gơkòl ƀàssìl!

Jeremi 1:17

Behơ̆, mê kơt tĕ but, ñă ntào, yal bol khai in git ală bơta Añ neh ai gơnoar sồr mê in. Bañ rngòt di bol khai, rngòt Añ rơp lơh mê in rngòt rngơt di đap bol khai.

Jeremi 11:20

Khoai Yàng Jehôwa Gơnap Gơnoar! Kơnràñ cahrña dô bă song ring, sền sơwì nùs mơ dơngoh, Añ kòñ gŏ bơta Kơnràñ sal tê di bol khai, Bơh añ neh yal tơlik broă añ mơ Kơnràñ.

Jeremi 12:3

Khoai Yàng Jehôwa, Kơnràñ git añ! Kơnràñ gŏ añ, lòng sền añ, nùs añ gơwèt hơ Kơnràñ. Dan hwài bol khai kung be belàt kong tề tus hơ tiah tơnchơt, Ơn is bol khai tòm ngai tơnchơt in.

Jeremi 14:17

Mê yal tĕ bol khai in jơnau do: “Lòi mat añ gơhòr dà mat mang mơ ngai ò dơh; Bơh kòn ơruh làng bol añ jê kong pù lơh lề lac, Sồt rmàñ kơnjơ̆ ngan.

Jeremi 16:18

Lài ngan Añ rơp tơm wơl bơta iơh bơsak mơ tồi glài bol khai bàr dơ̆ rlau, bơh bol khai neh lơh ƀơ̆ ƀơl ù tiah Añ bơh ală rùp ràk, mơ cèng ală bơta cù kìr bềng lìu tòm sre brê Añ.”

Jeremi 17:13

Khoai Yàng Jehôwa, la bơta gơn kơnòm Israel dê, Ală cau lơi sang lòi Kơnràñ gen rơp kong ƀàssìl ƀàsso! Ală cau dô pleh bơh Kơnràñ rơp kong cih sơnđan hơđơm ù, Bơh bol khai neh sang lòi croh dà bơta kis, hơ̆ la Yàng Jehôwa.

Jeremi 17:16

Ai añ, añ ò sang gơnoar broă ê gàr tòm bơta duh broă Kơnràñ. Añ kung ò kơp gơn tơngai bòl glar, Kơnràñ ngan neh git. Jơnau lik bơh bơr añ jê.

Jeremi 17:19

Yàng Jehôwa đơs mơ añ lah: “Lòt tĕ, ntào di Mpồng Làng Bol, hơ̆ la mpồng ală cau bơtau Juda òs lik mut, mơ di jơh ală mpồng theng Jerusalem dê.

Jeremi 20:11

Mơya Yàng Jehôwa ơm bal mơ añ kung be dô nă cau ling jak pal rngòt; Gen tàng ală cau kup kơryan añ rơp gơtup pừ, mơ bol khai rơp ò geh pha lin. Bơh bol khai rơp kong ƀàssìl dờng ngan Bol khai rơp ò geh cồng nha, Bơta sền òsơp bol khai dê sùm sùm Ò gơs tŭ lơi hŭi.

Yal Wơl 33:11

Ơ Yàng Jehôwa, dan ai lơngai hơđang jơh ală bơta chài rgơi khai dê, mơ dan niam nùs di broă tê khai lơh. Dan pòng pă but cau sò tơm di khai, ală cau gơjrañ khai tồ bol khai ò guh tai.”

Yal Tơlik 18:6

Khai neh lơh di cau mbe lơi, gen lơh wơl tĕ di khai behơ̆ sơl, jat be ală broă khai dê gen sal wơl tĕ khai in bàr dơ̆ rlau tai; mơngàn khai neh crài ai cau in, gen crài tĕ ai khai in bàr dơ̆ rlau tai.