Jeremi 16:15 - Sră Goh 2018

¹⁵ Mơya: ‘Ngan kung be Yàng Jehôwa gam kis sùm, la Bơtau neh cèng kòn sau Israel lik bơh đah đang, mơ bơh ală lơgar mơ bol khai neh kong bơtrơh.’ Añ rơp lam bol khai rê wơl tòm lơgar mơ Añ neh ai ồng pàng bol khai in.”

Jeremi 16:15 交叉參考

Jeremi 32:37

‘Añ rơp pơjum tơrgòm bol khai wơl bơh ală lơgar mơ Añ neh bơtrơh bol khai tài bơh gơhào gơjrañ, mơ gơjrañ dờng; Añ rơp cèng bol khai rê wơl tòm tiah do, lòi bol khai in ơm lơngap lơngai.

Jeremi 24:6

Añ rơp ơn mat Añ hơđang bol khai sùm, mơ Añ rơp cèng bol khai rê wơl tòm lơgar do, bơtào gơs mơ ò phà tai, tam wơl mơ ò dus sang tai.

Jeremi 3:18

Tòm ală ngai hơ̆ hìu Juda rơp ơm dô bă bal mơ hìu Israel, mơ bol khai rơp tus dô bă bal bơh ù tiah đah đang rê wơl tòm ù tiah mơ Añ ai ồng pàng bol mê in lơh gơs sre brê.

Amôs 9:14

Añ rơp cèng brê wơl làng bol Israel Añ jê neh kong kup cèng gơs dĭ; bol khai rơp bơt bơtào wơl ală ƀòn dờng neh kong tơnroh mơ ơm tòm ală ƀòn dờng hơ̆. Bol khai rơp tam ală suơn ño mơ ñô tơrnòm gơ dê; bol khai rơp lơh suơn mơ sa plai gơ dê.

Ejekiel 39:28

Gen bol khai rơp git Añ la Jehôwa Yàng Tom Trồ bol khai dê, tài bơh Añ neh cèng pơrdô bol khai tơmut digùl ală lơgar, mơ Añ rơp pơjum tơrgòm bol khai tòm lơgar tòm bol khai dê. Añ rơp ò sang lòi dô nă cau lơi tòm bol khai bơh ngkòi.

Ejekiel 36:24

Bơh Añ rơp tă bol mê bơh di ală làng bol mơ tơrgòm bol mê bơh di jơh ală lơgar mơ cèng bol mê mut tòm lơgar tòm bol mê dê.

Đơs Crih 106:47

Ơ Jehôwa Yàng Tom Trồ bol he dê, dan dong klàs bol hi, Pơjum tơrgòm bol hi bơh digùl ală làng bol, Tồ bol hi in ưnngài sơnđan sàng goh Kơnràñ dê, Mơ hòn chò tòm bơta jòng ro Kơnràñ.

Jeremi 31:8

Ne, Añ rơp cèng bol khai rê wơl bơh lơgar đah đang, Pơjum wơl bol khai bơh ală tiah lồi plai ù. Tòm mpồl bol khai gơs cau jơngo, cau kwet, Cau ùr bun, cau ùr deh kòn, Dô bă bal dô mpồl dờng mơ rê wơl hơ do.

Jeremi 30:10

Yàng Jehôwa đơs: ‘Ơ Jakôp, mê la dĭ gơna Añ, bañ rngòt. Ơ Israel, bañ rngòt rngơt! Añ rơp dong klàs mê bơh tiah ngài, Mơ jơi bơtiàn mê bơh lơgar kong kup cèng gơs dĭ. Jakôp rơp rê wơl geh ring lơngai mơ lơngap lơngai, Ò gơs cau lơi lơh khai in rngòt rngơt.’

Jeremi 30:3

Yàng Jehôwa đơs lah: ‘Ală ngai nền cê ngan rơp tus, tŭ hơ̆ Añ rơp bơtào wơl sre brê làng bol Añ jê, Israel mơ Juda, Yàng Jehôwa đơs, mơ Añ rơp cèng bol khai in rê wơl tòm lơgar mơ Añ neh ai ồng pàng bol khai in, mơ bol khai rơp geh lơgar hơ̆ lơh gơs sre brê.’”

Esai 14:1

Mơya Yàng Jehôwa rơp nđàc sơngit di Jakôp; dô dơ̆ tai Kơnràñ rơp sac rwah Israel, mơ rơp ơn bol khai tòm lơgar tòm bol khai dê. Cau lơgar bơdìh rơp tus tòmklac mơ bol khai, mơ lơh gơs dô bă bal mơ hìu Jakôp dê.

Jeremi 50:19

Añ rơp cèng Israel rê wơl tòm ƀlàng ñhơt khai dê. Khai rơp sa ñhơt hơđang Karmel mơ Basan, nùs khai rơp geh hòm lai hơđang ală dòr Epraim mơ Galaat.”

Jeremi 23:8

Mơya đơs lah: ‘Ngan kung be Yàng Jehôwa kis sùm, hơ̆ la Bơtau neh cèng mơ tề lam ală kòn sau Israel rê wơl bơh đah đang mơ bơh ală lơgar Añ neh bơtrơh bol khai.’ Gen bol khai rơp ơm tòm lơgar tòm bol khai dê.”

Jeremi 23:7

Yàng Jehôwa đơs: “Behơ̆ gen ală ngai tus, tŭ hơ̆ cau ò gam đơs lah: ‘Ngan kung be Yàng Jehôwa kis gam sùm sùm, la Bơtau neh cèng làng bol Israel lik klàs bơh lơgar Ejiptơ.’

Jeremi 29:14

Yàng Jehôwa đơs: “Añ rơp ai bol mê in jòi bàn Añ, rơp bơtào wơl ală sre brê bol mê dê, mơ rơp tơrgòm bol mê bơh ală lơgar mơ bơh ală tiah Añ neh bơtrơh bol mê, mơ Añ rơp cèng brê bol mê wơl hơ tiah Añ neh tă bol mê.”

Jôel 3:1

“Behơ̆ gen, tòm ală ngai hơ̆ mơ tòm tŭ hơ̆, Añ rơp cèng brê wơl ală cau gơkòl kup cèng Juda mơ Jerusalem dê,

Sơnròp Gơlik Gơs 28:15

Mơ Añ ơm bal mơ mê, mê lòt tiah lơi Añ rơp sền gàr mê tềng hơ̆ mơ cèng mê rê wơl hơ lơgar do, bơh Añ ò gơs tŭ lơi sang mê tus di tŭ Añ neh lơh sir rau ală bơta Añ neh ho mơ mê.”

Jeremi 12:15

Mơya, tơnơ̆ mơ tŭ Añ neh dus rau, Añ rơp nđàc sơngit wơl di bol khai; mơ Añ rơp cèng bol khai wơl hơ sre brê bol khai dê, mơ jơh kòp nă tòm bol khai.

Jeremi 23:3

Să tòm Añ rơp tơrgòm wơl ală belàt gam wơl tòm mpồl Añ jê, lik bơh ală lơgar mơ Añ neh bơtrơh bol khai. Añ rơp cèng bol khai rê wơl tòm wàng bol khai dê; bol khai rơp geh tơnggơs bơtơl oă.

Amôs 9:15

Añ rơp tam Israel tòm lơgar tòm bol khai dê, mơ bol khai rơp ò gơs tŭ lơi gơkòl dus tai, bơh di lơgar mơ Añ neh ai bol khai in.” Jehôwa Yàng Tom Trồ mê dê đơs behơ̆.