Jeremi 12:4 - Sră Goh 2018

⁴ Nđò jŏ tòm lơgar kong moat jrùng, mơ ñhơt tòm ƀlàng sre ro jrùh taih? Tài bơh làng bol iơh bơsak ơm tềng hơ̆, Gen tàng ală jơi phan poan jơng mơ jơi sềm kòl pơs jơh. Bơh bol khai đơs lah: “Yàng Tom Trồ rơp ò gŏ gùng dà bol he lơh.”

Jeremi 12:4 交叉參考

Đơs Crih 107:34

Ù bơkah tiah lơngồt gơlik gơs ù ƀă, Tài bơh bơta iơh bơsak làng bol tềng hơ̆ dê.

Đơs Crih 50:21

Hơ̆ la ală bơta mê neh lơh, ai Añ ơm mŏ mŏ, Mê tồnlah Añ la dô nă cau be să tòm mê lơm. Mơya tŭ do Añ lah pơrhơng mê, mơ ơn ală bơta hơ̆ di đap mat mê.

Esai 24:4

Plai ù rơp rañ rsơh mơ ñòp ro; lơgar dunnia siar roh mơ ñòp ro; tap trồ mơ plai ù kung siar roh jơh.

Esai 24:6

Gen tàng bơta srat rma sa loan plai ù, làng bol ơm hơđang plai ù kong bơta jê sồt bơh bơta tồi glài bol khai dê; gen tàng làng bol ơm hơđang plai ù rơp gơpơndut wơl, mơ dô êt cau gam wơl.

Jeremi 12:11

Bol khai neh lơh gơ in gơlik tiah lòi srau, rhàng ngềt ngơt, Gơ pơt wòl di đap Añ. Jơh lơgar neh gơlik srau gòi, Mơya ò gơs cau lơi ơn nùs di gơ.

Jeremi 14:2

Juda ơm moat jrùng jê sồt, Ală mpồng ƀòn khai dê lơbơn òsô, Bol khai nggui jê sồt tòm ù; mơ sap nggà ñìm Jerusalem dê nggồr.

Jeremi 23:10

Tòm lơgar bềng lìu ală cau rềs àr bơrnàn; Tài bơh bơta srat sơntơm gen ù tiah gơlik moat jrùng; Ală ƀlàng ñhơt tòm ƀlàng ngềt ngơt ro rañ. Cau gơnoar hwơr lòt jat gùng iơh, ngui gơnoar bol khai tòm bơta ò song ring;

Jeremi 4:25

Añ sền, mơ ne ò gam dô nă cau lơi, Jơh ală sềm tòm pah gòi neh dô pleh.

Jeremi 4:28

Tài bơh hơ̆, ù do rơp moat jrùng ñìm ƀồc, mơ ală tap trồ hơđang gơlik jù cik; Bơh Añ neh đơs, Añ neh lơh nền, Añ rơp ò tòmgơl nùs, hala Añ kung ò tòmgơl jơnau.”

Jeremi 5:13

Ală cau gơnoar hwơr mìng la càl khồm lòt gan, bơh ò gơs jơnau Yàng ơm tòm bol khai; Ală bơta hơ̆ rơp lơh gơlik gơs bol khai in.

Jeremi 5:31

Ală cau gơnoar hwơr đơs hwơr blac, Ală cau gơnoar ơn phan duh khoai jat jơnau gơnoar sồr cau gơnoar hwơr! Làng bol Añ kòñ gơs bơta behơ̆ sơl. Mơya ñchi bol mê rơp lơh tòm tŭ lồi dut tus taih?”

Jeremi 7:20

Gen tàng Jehôwa Yàng Tom Trồ đơs be do: “Bơta gơjrañ mơ bơta gơhào gơjrañ dờng Añ jê rơp tuh hơđang lơgar do, hơđang jơi kòn mơnus mơ phan poan jơng, hơđang chi che tòm ƀlàng mơ plai bơkào ù tiah dê, gơ rơp chu pơrguc mơ ò tŭ lơi đơp chơt.”

Jeremi 9:10

Añ rơp ñìm rac pơt wòl bơh ală mơnơm, mơ ñìm rac ròc moat jrùng bơh ƀlàng ñhơt ƀlàng ngềt ngơt dê, Tài bơh gơ neh kong sang lòi srau gòi, tian gơs ò gơs cau lơi lòt gan, mơ ò gam kơno sap kơnrồ, Sềm trồ bal mơ phan poan jơng neh dô lik jơh.

Jeremi 9:9

Yàng Jehôwa đơs: “Añ rơp ò lơh glài bol khai bơh ală bơta hơ̆ ơ? mơ Añ rơp ò sal tê hơđang dô nơm lơgar behơ̆ ơ?”

Sră Ôse 4:3

Behơ̆ tàng, lơgar rac ròc, làng bol chơt roh, ală phan poan jơng tòm brê mơ ală sềm hơđang trồ, bal mơ ală ka tòm dàlềng kung roh rui sơl.

Jôel 1:18

Mpồl phan poan jơng rơnđơh oă ngan! Mpồl rpu kơnrồ lòt nrah nring! Tài bơh ò gơs ƀlàng ñhơt bol gơ in sa: tian gơs ală mpồl belàt kong jơgloh tơhìr.

Amôs 1:2

Khai đơs lah: “Yàng Jehôwa ơluh bơh di Siôn. Kơnràñ lơh nggồr ntas bơh Jerusalem. Ală ƀlàng ñhơt cau ê belàt dê rơp ro rañ, bồ mơnơm Karmel rơp ñòp ro.”

Habakuk 3:17

Bulah chi ƀal rơp ò cat sơmbut mơ rơp ò gơs plai hơđang ntê ño; bulah chi ôlibe ò gơlik plai mơ ƀlàng sre ò tơnggơs phan sa; bulah ò gơs belàt tòm ƀlàng mơ ò gơs kơnrồ tòm wàng,

Sacari 1:12

Gen cau gơnrơh Yàng Jehôwa dê đơs lah: “Ơ Yàng Jehôwa Gơnap Gơnoar Dờng Làm Jơh! Nđò jŏ tai Kơnràñ gam ò nđàc sơngit di Jerusalem mơ ală ƀòn dờng Juda dê mơ Kơnràñ neh gơhào gơjrañ tòm poh jơt sơnam taih?”

Rôma 8:22

Bơh bol he git lah ală phan tòm trồ tiah neh rac ròc mơ kong bòl glar jê sồt be bơta jê deh jơl tus di tŭ do;