Jeremi 11:4 - Sră Goh 2018

⁴ la bơta Añ neh sồr ồng pàng bol mê in, tòm tŭ Añ cèng bol khai lik bơh lơgar Ejiptơ, bơh di bơnhă gơm lòs, mơ đơs lah: Iat tĕ jơnau Añ, mơ lơh jat tĕ jơh bơta Añ sồr bol mê. Behơ̆ bol mê rơp lơh gơs làng bol Añ jê, Añ rơp lơh gơs Yàng Tom Trồ bol mê dê;

Jeremi 11:4 交叉參考

Sơnròp Gơlik Gơs 17:8

Añ rơp ai mê mơ jơi bơtiàn mê in lơgar mơ mê ơm ing, hơ̆ la làm lơgar Kanaan, lơh gơs sre brê kòp rài gam sùm sùm, mơ Añ rơp lơh gơs Yàng Tom Trồ bol khai dê.”

I Ală Bơtau 8:51

bơh làng bol Israel ngan la làng bol Yàng dê, sre brê Yàng dê, mơ Yàng neh cèng tơlik bơh Ejiptơ, hơ̆ la klàs bơh bơnhă buh lòs.

II Ală Bơtau 18:6

Khai đềt mềr mơ Yàng Jehôwa; ò sang lòi Kơnràñ, mơya prap gàr ală bơta sồr lam mơ Yàng Jehôwa neh nting sồr Môise in.

Lik Ejiptơ 20:6

mơya rơp yal tơlik bơta kòñ gơboh jơl tus rbô rài gơwèt hơ ală cau kòñ gơboh di Añ mơ prap gàr ală bơta sồr lam Añ jê.

Esai 30:6

Do la dô jơnau đơs hwơr bơh ală phan poan jơng tòm Negep: Gan ù tiah bòl glar kalke, ù tiah ală klìu triă dam mơ klìu triă me ơluh, bơs bih mơ bơs ồs par, bol khai pơdiang phan mơna bol khai dê hơđang ngkòi alàng, pơdiang phan màng bol khai dê hơđang gu làkđa dê, tus hơ dô nơm làng bol ò lơh gơlik kwơ bol khai in.

Esai 48:10

Do, Añ neh tŏ tiar bol mê, mơya ò di be tŏ tiar priă; Añ neh lòng bol mê tòm bơnhă ồs bơta rung rài bòl glar.

Jeremi 11:7

Añ neh kràñ cê bơto tơngkah ồng pàng bol mê, tòm tŭ Añ cèng bol khai lik bơh lơgar Ejiptơ jơl tus ngai do. Añ neh kơ̆ nùs bơto tơngkah bol khai lah: ‘Lơh jat tĕ jơnau Añ!’

Jeremi 24:7

Añ rơp ai bol khai in nùs đal git Añ la Yàng Jehôwa. Bol khai rơp lơh gơs làng bol Añ, mơ Añ rơp lơh gơs Yàng Tom Trồ bol khai; bơh bol khai rơp jơh nùs rê wơl mơ Añ.’

Jeremi 26:13

Tŭ do oh mi pal rcang wơl gùng dà mơ broă lơh oh mi dê, dòn bơr lơh jat tĕ jơnau đơs Jehôwa Yàng Tom Trồ oh mi dê, gen Yàng Jehôwa rơp tòmgơl bơh bơta rung rài mơ Kơnràñ neh yal tơnggit tòmdră mơ oh mi.

Jeremi 30:22

Behơ̆ gen, bol mê rơp lơh gơs làng bol Añ, Añ rơp lơh gơs Yàng Tom Trồ bol mê.’”

Jeremi 32:28

Gen tàng, Yàng Jehôwa đơs be do: Añ rơp phi ƀòn do tòm tê cau Kalde, tòm tê Nebukatnessar, bơtau Babilôn, khai rơp tòmpìt ai.

Jeremi 38:20

Jeremi đơs lah: “Cau rơp ò jào bơtau ò. Dan bơtau dòn tĕ jơnau Yàng Jehôwa tòm bơta añ đơs, gen bơtau rơp geh lơngap lơngai mơ geh kis.

Ejekiel 11:20

behơ̆ tàng bol khai rơp lơh jat ală bơta sồr lam Añ jê mơ kơrhia prap gàr ală bơta sồr lam Añ jê. Bol khai rơp lơh gơs làng bol Añ jê, mơ Añ rơp lơh gơs Yàng Tom Trồ bol khai dê.

Ejekiel 14:11

Gen làng bol Israel rơp ò tai lòt tìs nrah bơh di Añ, kung ò tai lơh ƀơ̆ ƀơl să tòm bol khai bơh jơh ală bơta tồi glài bol khai dê. Bol khai rơp lơh gơs làng bol Añ jê, mơ Añ rơp lơh gơs Yàng Tom Trồ bol khai dê, Jehôwa Yàng Tom Trồ đơs behơ̆.”’”

Ejekiel 36:28

Bol mê rơp ơm tòm lơgar mơ Añ neh ai ồng pàng bol mê in; bol mê rơp lơh gơs làng bol Añ jê, mơ Añ rơp lơh gơs Yàng Tom Trồ bol mê dê.

Ejekiel 37:23

Bol khai rơp ò tŭ lơi lơh ƀơ̆ ƀơl is să tòm bol khai dê bơh ală rùp ràk mơ bơta lơi lơh bol khai in gơlik ngkòr ngkàc, hala bơh dô nơm tồi glài lơi bol khai dê, bơh Añ rơp dong tă bol khai klàs bơh di jơh ală bơta bol khai neh tìs glài, mơ Añ rơp lơh goh bol khai. Bol khai rơp lơh gơs làng bol Añ jê mơ Añ rơp lơh gơs Yàng Tom Trồ bol khai dê.

Ejekiel 37:27

Tiah ơm sùm Añ jê rơp gơs digùl bol khai; Añ rơp gơs Yàng Tom Trồ bol khai dê, bol khai rơp gơs làng bol Añ jê.

Daniel 3:26

Gen bơtau Nebukatnessar tus rềp hơ mpồng bơnhă ồs, mơ ai jơnau hòi lah: “Ơ Sadrak, Mesak mơ Abetnegô la cau duh broă Yàng Tom Trồ Hơđang Rlau Jơh dê, lik tĕ mơ lòt tus hơ do!” Gen Sadrak, Mesak mơ Abetnegô lik bơh digùl bơnhă ồs.

Lebi 26:12

Añ rơp lòt digùl bol mê mơ lơh gơs Yàng Tom Trồ bol mê dê, mơ bol mê rơp lơh gơs làng bol Añ jê.

Lebi 26:3

Dilah bol mê lòt jat ală bơta sồr lam Añ jê mơ kơrhia lơh jat ală jơnau sồr Añ jê,

Sacari 13:9

Añ rơp cèng tơmut dô pơnah pe hơ̆ tòm ồs, Añ rơp tiar bol khai kung be priă, mơ lòng bol khai kung be màh. Bol khai rơp hòi di sơnđan Añ, mơ Añ rơp ho wơl bol khai; Añ rơp đơs lah: ‘Bol khai la làng bol Añ jê,’ mơ bol khai rơp đơs lah: ‘Yàng Jehôwa la Yàng Tom Trồ bol hi dê.’”

Sacari 6:15

Ală cau ơm ngài rơp tus mơ dong kòl tòm bơta bơt bơtào hìu duh khoai Yàng Jehôwa dê: mơ bol mê rơp git lah Yàng Jehôwa Gơnap Gơnoar Dờng Làm Jơh neh sồr añ tus mơ bol mê. Bơta hơ̆ rơp gơlik tus dilah bol mê ngac ngar dòn bơr lơh jat jơnau Jehôwa Yàng Tom Trồ bol mê dê.

Sacari 8:8

Añ rơp cèng brê bol khai wơl nàng ơm tòm Jerusalem, bol khai rơp lơh gơs làng bol Añ jê, mơ Añ rơp lơh gơs Yàng Tom Trồ bol khai dê tòm bơta dòn song mơ song ring.”

Mathiơ 28:20

Mơ bơto bol khai lơh jat jơh ală bơta Añ neh sồr bol mê. Mơ do, Añ ơm sùm mơ bol mê jơl tus di lồi dut rài.”

II Kôrintô 6:16

Hìu duh khoai Yàng Tom Trồ dê geh tòm rsò bal mơ rùp ràk sơl ơ? Bơh bol he la hìu duh khoai Yàng Tom Trồ gam kis sùm dê, be Yàng Tom Trồ neh đơs lah: “Añ rơp ơm tòm bol khai, lòt rê digùl bol khai; Añ rơp lơh gơs Yàng Tom Trồ bol khai dê, Mơ bol khai rơp lơh gơs làng bol Añ jê”

Yal Wơl 11:27

bơta lơngai dilah bol mê dòn bơr lơh jat ală jơnau gơnoar sồr Jehôwa Yàng Tom Trồ bol mê dê mơ añ ai bol mê in tòm ngai do,

Yal Wơl 4:20

Mơya đah pơnah mơ bol mê gen Yàng Jehôwa neh tă tơlik bol mê bơh di bơnhă ồs gơm lề lòs, lik bơh di Ejiptơ nàng gơs dô nơm làng bol gơrê is mơ Kơnràñ kung be neh gơs tòm ngai do.

Yal Wơl 5:6

‘Añ la Jehôwa Yàng Tom Trồ bol mê dê, la Bơtau neh tă cèng bol mê lik bơh di Ejiptơ, bơh di lơgar bol mê ơm dĭ.

Hebrơ 5:9

mơ dơ̆ Kơnràñ neh geh wil tơl rau, gen gơlik gơs tòm ryas bơta dong klàs gam sùm sùm jơh ală cau in dòn bơr Kơnràñ,

I Samuel 15:22

Mơya Samuel đơs lah: “Yàng Jehôwa niam nùs di ală phan ơn chu pơrguc mơ ală phan ơn duh khoai kung be niam nùs di bơta lơh jat jơnau đơs Yàng Jehôwa dê sơl ơ? Bơta dòn bơr la niam rlau mơ phan ơn duh khoai, mơ bơta iat jơnau la niam rlau mơ dơngi ală belàt dam.