Jeremi 1:18 - Sră Goh 2018

¹⁸ Behơ̆, ngai do, Añ bơtào mê lơh gơs ƀòn dờng kơ̆ cê, lơh gơs jrong mơ lòs, lơh gơs dơrñang mơ kòng, tòmdră mơ jơh ală lơgar do, tòmdră mơ ală bơtau Juda, ală cau kwang at bồ gơ, ală cau gơnoar ơn phan duh khoai, mơ làng bol tòm lơgar.

Jeremi 1:18 交叉參考

Esai 50:7

Tài bơh Yàng Jehôwa la Yàng Tom Trồ dong kòl Añ, gen tàng Añ rơp ò kong cau sền òsơp. Gen tàng Añ lơh muh mat Añ kră be lŭ ồs mơ Añ git Añ rơp ò kong bơta ƀàssìl.

Jeremi 1:17

Behơ̆, mê kơt tĕ but, ñă ntào, yal bol khai in git ală bơta Añ neh ai gơnoar sồr mê in. Bañ rngòt di bol khai, rngòt Añ rơp lơh mê in rngòt rngơt di đap bol khai.

Jeremi 1:19

Bol khai rơp tòmlơh mơ mê, mơya ò geh pha mơ mê; bơh Añ ơm bal mơ mê nàng dong tă mê, Yàng Jehôwa đơs behơ̆.”

Jeremi 15:10

Bòl glar añ in! Mè añ jê, mè neh tơnggơs añ Dô nă cau bơta tòmlah tòm pơndang tòm jơh lơgar! Añ neh ò ai cau in jồm, mơ kung ò càn mơ cau lơi; Bulah behơ̆, jơh tơl nă bol khai srat rma añ.

Jeremi 15:20

Añ rơp lơh mê in gơwèt mơ làng bol do gơlik gơs dô nơm dơrñang kòng kơ̆ cê, Bol khai rơp tòmlơh tòmdră mơ mê, Mơya bol khai rơp ò geh pha rlau mơ mê, Bơh Añ ơm bal mơ mê Nàng dong klàs mơ dong tă mê.” Yàng Jehôwa đơs behơ̆.

Jeremi 20:11

Mơya Yàng Jehôwa ơm bal mơ añ kung be dô nă cau ling jak pal rngòt; Gen tàng ală cau kup kơryan añ rơp gơtup pừ, mơ bol khai rơp ò geh pha lin. Bơh bol khai rơp kong ƀàssìl dờng ngan Bol khai rơp ò geh cồng nha, Bơta sền òsơp bol khai dê sùm sùm Ò gơs tŭ lơi hŭi.

Jeremi 21:4

‘Jehôwa Yàng Tom Trồ Israel dê, đơs be do: Añ rơp tơrwơl ală phan tòmlơh tòm tê bol mê at nàng tòmdră mơ bơtau Babilôn mơ cau Kalde ơm gơrwàng bol mê đah bơdìh dơrñang, gen Añ rơp cèng tơrgòm gơtơmut digùl ƀòn dờng do.

Jeremi 26:24

Mơya tŭ hơ̆, Ahikam, kòn klau Saphan, dong tò Jeremi, mơ kơryan ò ai jào khai tòm tê làng bol nàng tơnchơt.

Jeremi 34:3

Să tòm mê rơp ò klàs bơh tê khai; mơ ngan rơp kong kup, mơ kòl jào tòm tê khai. Mê rơp sền gŏ bơtau Babilôn; mat tòm mat, mơ mê rơp lòt tus hơ lơgar Babilôn.’

Jeremi 37:7

“Jehôwa, Yàng Tom Trồ Israel dê, đơs be do: ‘Bol mê pal yal mơ bơtau Juda, la cau neh sồr bol mê tus lùp Añ, lah: Ne, mpồl ling Pharaôn dê neh tus dong tă bol mê, rơp lik rê hơ lơgar he, hơ̆ la lơgar Ejiptơ.

Jeremi 38:18

Mơya dilah mê ò kong alah mơ ală kwang at bồ bơtau Babilôn dê, gen ƀòn do rơp phi tòm tê cau Kalde, bol khai rơp ngui ồs chu pơrguc gơ, mơ mê rơp ò klàs bơh tê bol khai.”

Jeremi 38:2

“Yàng Jehôwa đơs be do: ‘Cau lơi ơm wơl tòm ƀòn gen kong chơt bơh pềs tà, jơgloh rung, hala pluh plàng; mơya cau lơi lik jào să cau Kalde in gen rơp geh kis, khai rơp geh klàs bơh bơta chơt be phan pà, khai rơp kis.’

Jeremi 42:22

Tŭ do, pal git loh lah oh mi rơp chơt bơh pềs tà, jơgloh rung, pluh plàng, tòm tiah mơ oh mi kòñ tus mơ ơm.”

Jeremi 6:27

“Añ neh bơtào mê lơh gơs cau lòng mơ cau kơnềng lơh goh digùl làng bol Añ, Nàng mê rgơi git mơ lòng gùng dà bol khai dê.

Jang 1:42

Gen khai lam Simôn lòt tus hơ Yàng Jesu. Yàng Jesu sền gŏ Simôn gen đơs lah: “Mê la Simôn, kòn Jôna dê, mê rơp geh sơnđan la Sepha,” (gơtha la Pier).

Yal Tơlik 3:12

Cau lơi geh pha lin rlau, gen Añ rơp lơh khai in gơlik gơs dô nơm jrong tòm hìu duh khoai Yàng Tom Trồ Añ jê, mơ khai ò gơs tŭ lơi lik bơh tềng hơ̆ tai. Añ rơp cih hơđang khai sơnđan Yàng Tom Trồ Añ jê, sơnđan ƀòn dờng Yàng Tom Trồ Añ jê, la Jerusalem pa hơđang trồ bơh Yàng Tom Trồ Añ jê mơ mù, bal mơ sơnđan pa Añ jê.