I Samuel 1:3 - Sră Goh 2018

³ Kòp nam khai òs guh bơh di ƀòn khai dê nàng duh khoai mơ ơn phan duh khoai Yàng Jehôwa Gơnap Gơnoar Dờng Làm Jơh in tòm Silô, tềng hơ̆ gơs bàr nă kòn klau Heli dê la Hôpni mơ Phineas, la ală cau gơnoar ơn phan duh khoai Yàng Jehôwa dê.

I Samuel 1:3 交叉參考

Luka 2:41

Mơ tai, kòp nam tus di bơta pơjum sa Lòt gan, mè bèp Kơnràñ lòt tus hơ Jerusalem.

Jôsue 18:1

Gen jơh mpồl jơnum làng bol Israel pơjum bal tòm Silô mơ bơtào Sàl Tòm Mat tềng hơ̆. Jơh lơgar neh ơm hơđơm gơnoar at bồ bol khai dê.

Lik Ejiptơ 34:23

Pe dơ̆ tòm kòp nam, jơh ală cau klau bol mê dê pal tơlik mat di đap Yàng Jehôwa Bơtau At Bồ Hơđang rau Jơh, la Yàng Tom Trồ Israel dê.

Lik Ejiptơ 23:14

“Kòp nam pe dơ̆ bol mê pal rcang bơta pơjum sa duh rngòt Añ.

I Samuel 1:21

Elkana guh bal mơ jơh hìu nhă khai dê nàng ơn phan duh khoai kòp nam Yàng Jehôwa in, mơ nàng tơm wơl bơta khai neh ho pơgon,

I Samuel 1:9

Tơnơ̆ mơ tŭ bol khai neh sir ñô sa tòm Silô rau, gen Anne ñă ntào mơ tơlik mat di đap Yàng Jehôwa. Tŭ hơ̆, Heli la cau gơnoar ơn phan duh khoai ơm nggui di tiah nggui di gah jrong mpồng hìu duh khoai Yàng Jehôwa dê.

Yal Wơl 16:16

Kòp nam pe dơ̆, jơh ală cau klau bol mê dê pal gơs mat di đap Jehôwa Yàng Tom Trồ bol mê dê di tiah Kơnràñ rơp sac rwah; di ngai pơjum sa Piang Lă Ò Gơs Kañ, ngai pơjum sa Ală Poh mơ ngai pơjum sa Sàl Ing. Bañ gơs cau lơi tus di đap Yàng Jehôwa mơ mpàng tê gòi.

Ală Kwang Cahrña 18:31

Bol khai kư̆ pơnjat ngui rùp ràk mơ Mika neh lơh tòm jơh ală ngai hìu duh khoai Yàng Tom Trồ dê ơm tòm Silô.

Đơs Crih 78:60

Kơnràñ sang lòi hìu ơm Kơnràñ dê tòm Silô, Hơ̆ la sàl Kơnràñ neh ơm digùl jơi kòn mơnus.

I Samuel 4:11

Đài Bơta Ho Bal Yàng Tom Trồ dê gơkòl kup cèng, mơ bàr nă kòn klau Heli dê la Hôpni mơ Phineas kong tơnchơt.

I Samuel 4:4

Behơ̆ làng bol sồr cau lòt tus hơ Silô mơ cèng bơh hơ̆ Đài Bơta Ho Bal Yàng Jehôwa Gơnap Gơnoar Dờng Làm Jơh dê la Bơtau nggui tòm sơbàn hơđang ceruƀim. Bàr nă kòn klau Heli dê la Hôpni mơ Phineas ơm tềng hơ̆, bal mơ Đài Bơta Ho Bal Yàng Tom Trồ dê.

I Samuel 3:13

Bơh Añ neh đơs mơ khai lah Añ rơp lơh glài hìu nhă khai dê sùm sùm, tài bơh tồi glài mơ khai neh git; tài bơh ală kòn klau khai dê neh lơh ală bơta tràl sơrbil di Yàng Tom Trồ, mơ khai ò kơryan bol khai.

I Samuel 2:34

Bơta neh lơh nền rài kis bàr nă kòn klau mê dê, hơ̆ la Hôpni mơ Phineas, rơp lơh gơs tềl mê in, bàr nă bol khai rơp chơt bal tòm dô ngai.

Lik Ejiptơ 23:17

Kòp nam pe dơ̆ jơh ală cau klau pal tơlik mat di đap Yàng Jehôwa la Yàng Tom Trồ.

Ală Kwang Cahrña 21:19

Behơ̆ bol khai đơs lah: “Sền tĕ, gơs dô bơta pơjum sa kòp nam Yàng Jehôwa in tòm Silô đah hơđang Betel, đah mattơngai lik gùng lòt bơh Betel tus hơ Sicem, mơ đah hơđơm Lebôna.”

I Samuel 2:19

Kòp nam mè khai òs jing khai in dô nơm ào jrùh dềt, mơ cèng ai khai in tòm tŭ mò guh bal mơ bau klau nàng ơn phan duh khoai kòp nam.

I Samuel 14:3

Tòm hơ̆ kung gơs dô nă cau soh ephot sơnđan la Ahija kòn klau Ahitup bi klau Ikabôt, la kòn klau Phineas, sau Heli, cau gơnoar ơn phan duh khoai Yàng Jehôwa dê tòm Silô. Ò gơs cau lơi git la Jônathan neh lik lòt.