II Samuel 9:7 - Sră Goh 2018

⁷ Dabit đơs mơ khai lah: “Bañ rngòt, bơh añ rơp yal tơlik bơta nđàc mê in, tài bơh Jônathan bèp mê dê. Añ rơp ai wơl mê in jơh ală ù tiah Sol, ồng mê dê, mơ să tòm mê rơp sa di cơnòng sa bal mơ añ sùm.”

II Samuel 9:7 交叉參考

II Samuel 9:1

Dabit lùp lah: “Gơs cau lơi tòm hìu Sol gam kis nàng añ rgơi yal tơlik bơta nđàc khai in, tài bơh Jônathan sơl?”

I Ală Bơtau 2:7

Lơh tĕ bơta niam lơnhơn gơwèt hơ ală kòn klau Barjilai cau Galaat, mơ ai bol khai in nggui digùl ală cau sa di cơnòng sa bal mơ kòn. Bơh bol khai neh dòn song mơ añ tòm tŭ añ ntoat dô bơh di Apsalôm bi kòn dê.

II Samuel 9:3

Bơtau lùp lah: “Gơs cau lơi gam wơl bơh hìu Sol dê nàng añ rgơi yal tơlik bơta nđàc Yàng Tom Trồ dê khai in sơl ơ?” Jiba ho cau bơtau lah: “Gam gơs dô nă kòn klau Jônathan dê; khai gơlte bàr đah jơng.”

II Samuel 19:28

Jơh ală kòn sau ồng añ jê ò di pal dòp geh bơta lơi rlau mơ bơta chơt bơh di cau tòm añ jê la bơtau, mơya bơtau neh ai cau duh broă bơtau in dô bă tiah digùl ală cau nggui di cơnòng sa bơtau dê. Behơ̆, añ gơs gơnoar lơi nàng dan mơ bơtau rlau mơ hơ̆ taih?”

Luka 22:30

bol mê geh ñô sa di cơnòng Añ jê tòm lơgar Añ; bol mê kung rơp nggui hơđang sơbàn mơ cahrña jơt bàr jơi bơtiàn làng bol Israel.”

Đơs Crih 41:9

Tus di cau bơyô đềt mềr añ jê mơ nùs añ dòn kơnòm, La cau neh sa piang lă añ jê, khai kung pò kơndòl jơng sò tơm di añ.

II Ală Bơtau 25:29

Behơ̆ Jehôyakin hồ ào jàm, kòp ngai tòm rài kis khai geh sa hơđang cơnòng bal mơ bơtau.

Yal Tơlik 3:20

Do, Añ ntào di mpồng mơ teh; dilah cau lơi kơno jơnau Añ mơ pò mpồng, gen Añ rơp mut mơ sào bal mơ khai, khai bal mơ Añ.

II Samuel 12:8

Añ neh ai mê in hìu cau tòm mê dê, jào tòm tê mê ală bau ùr cau tòm mê dê. Añ ai mê in hìu Israel mơ hìu Juda. Mơ dilah jơh ală bơta hơ̆ gam ò tơl, Añ rơp ai mê in oă rlau tai.

I Samuel 12:24

Mìng duh rngòt tĕ Yàng Jehôwa mơ jơh nùs dòn song duh broă Kơnràñ dê; sền sơwì tĕ bơh ală broă dờng mơ Kơnràñ neh lơh bol mê in.

Sơnròp Gơlik Gơs 43:23

Cau gơnoar at bồ hìu đơs lah: “Dan bơta ring lơngai ơm bal mơ oh mi! Bañ rngòt, hơ̆ la Yàng Tom Trồ ală oh mi dê, Yàng Tom Trồ bèp ală oh mi dê neh ai phan màng tòm ală rơnđò, ai priă ală bol mê dê neh jào añ in rau.” Gen, khai lam Simeôn tus hơ oh mi khai dê.

Mathiơ 6:11

Dan ai bol hi in ngai do phan sa tơl ngai.

II Samuel 19:33

Bơtau đơs mơ Barjilai lah: “Tiă tĕ bal mơ añ, mơ añ rơp rcang tơl jơh ală bơta mê in tòm Jerusalem di gah añ.”

II Samuel 9:11

Gen Jiba đơs mơ bơtau lah: “Cau duh broă bơtau dê rơp lơh jơh ală bơta bơtau la cau tòm añ jê neh sồr añ lơh.” Mephibôset sa di cơnòng Dabit dê kung be dô nă kòn klau bơtau dê.

Sơnròp Gơlik Gơs 43:18

Bol khai rngòt ngan tài bơh cau lam bol khai tòm hìu Jôsep, gen bol khai đơs bal lah: “Hơ̆ la bơh jền priă neh dap wơl tòm rơnđò bol he dê dơ̆ lài òr, gen tàng bol khai lam he hơ tiah do, nàng jòi bơta tồ pù lơh bol he, kup bol he lơh gơs dĭ, mơ kup ală alàng bol he dê.”

II Samuel 9:10

Mê bal mơ ală kòn klau mơ ală cau duh broă mê dê pal troă lơòr ù tiah hơ̆ khai in, mơ toès prap plai đo nàng sau klau cau tòm mê dê geh phan sa. Mơ Mephibôset, sau klau cau tòm mê, rơp sa di cơnòng añ jê sùm.” (Mơ tai, Jiba gơs jơt pram nă kòn klau mơ bàr jơt nă cau duh broă.)

II Samuel 9:13

Mephibôset ơm tòm Jerusalem tài bơh khai sa di cơnòng bơtau dê sùm, mơ khai gơlte jơh bàr đah jơng.

Jeremi 52:33

Kung sồr tòmgơl ào ơm jàm, Jehôyakin geh nggui dô cơnòng bal mơ bơtau jơl jơh rài kis khai.

Sacari 7:9

“Yàng Jehôwa Gơnap Gơnoar Dờng Làm Jơh đơs be do: ‘Lơh jat tĕ bơta song ring ngan, gơwèt tĕ bal mơ gơp tòm bơta nđàc sơngit mơ bơta kòñ gơboh kơ̆ dơn.

I Samuel 20:15

dan bañ tŭ lơi pơndut bơta kòñ gơboh kơ̆ dơn bi dê gơwèt hơ hìu nhă añ jê, hala bulah tòm tŭ Yàng Jehôwa neh pơndut jơh ală cau sò tơm Dabit dê bơh hơđang plai ù.”

I Samuel 22:23

Ơm tĕ mơ añ, bañ rngòt, cau jòi tơnchơt mê kung jòi tơnchơt añ sơl. Ơm mơ añ gen mê rơp geh lơngap lơngai.”

II Samuel 19:29

Bơtau đơs mơ khai lah: “Ñchi bơh tài đơs oă tai bơh broă mê dê taih? Añ neh lơh nền lah: Mê mơ Jiba pal tòmpà sre brê.”

II Samuel 21:7

Dabit lòi wơl Mephibôset, kòn klau Jônathan, sau Sol dê, tài bơh bơta srat să ho bal digùl Dabit mơ Jônathan kòn klau Sol dê di đap Yàng Jehôwa.