3 uMulindĩĩla-mulango ukumũgyuĩlaa uyo, ninkolo zukumũigagiaa ululi luakue; ukuita inkolo zaakue kumiina maao nukukuzintongeela kunzi.
Ĩne neene numudĩĩmi namuuza; ĩzaane nĩzimanile nĩzaane zimanile ĩne,
Ninkolo nzia nĩzitĩĩte nasika za mumpongolo ĩĩ; nindizo injĩpĩĩle nĩzileete, nululi luane zĩkakulũigia, nalĩkitũla dyale lĩmuĩ numudĩĩmi umuĩ.
Pĩna wazipũnia tũlũ ĩzaakue ukuzitongeelaa, ninkolo zukumutiataa kunsooko zimanile ululi luakue.
Ine neene numulango; tũlũ wensi kanga wingĩlĩle pamuane ukigũnĩka; ukiingĩla nukwipũna, ukiligia udĩĩmo.
Ensi uTata nukumpeelaa ikiiiza kumuane; nduyo nũjile kumuane sika nĩkakumutaaga kunzi kainiino.
Yandĩkue muunakĩdagu, Tũlũ ensi ikitũlimanigua nuNzua. Tũlũ wensi nũigilie nukukĩmania kwa kĩTata ukuuzaa kumuane.
Nĩaasio naalĩ waasaaguĩle kwipũna iyuukĩ, aao nuĩĩta, nĩaasio naaluĩĩtile, aao nuaalĩĩlia ĩkulukuuluu, nĩaasio naalĩ waaalĩlĩĩlie ĩkulukuuluu, aao nuakulia.
kuitĩ numũgyuĩlue umulango mukulu nawinjĩpĩĩle, kangĩ akoolĩ iingĩ nainkaania.
Ninduuwegaa mĩaane wa tai, nukulompile wĩaalĩĩlie ĩasungu aasio, kuitĩ alĩ ĩkamatĩkilie muMpola na Nziiza palumuĩ nineene, nuKelemensi nduyo, nĩaasio naĩngĩ naalĩ ĩkĩtumaa umulĩmo palumuĩ nineene; aao namiina maao makoolĩ mumbũgũlũ ya upanga.
ĩmukukulompeela nindiishie, gaa, koona uNzua wakũgyuĩle umulango kuLukaani luakue kwitambula unkũnkũ wa kĩKilisito nanumutũngue kunsooko yaakue,
Ĩpa itĩ umukũlĩla namukamũ nwa kĩNzua wĩĩmĩkile, nautĩĩte umuntozo uu, “ũShekulu uamanile ĩaakue;” kangĩ, “Wensi nukuliĩta iliina lya kĩShekulu wauleke uubĩĩ.”
Naalĩ akũnukuĩlue ya kĩna sika kunsooko yaao ĩeene, ĩpa kunsooko yĩĩtu naatumĩka mumpola zaasio naalĩ ntanantigue kunsiani nĩaasio naalĩ amutanantĩĩlie inie iMpola naNziiza kunzĩla ya kĩMuau Muelu naalĩ mutumue kwipũna kwigyulu. Sunga ĩamalaĩka asũũmue nsula kwishungĩĩla impola zaasio.
Ishie kwa kĩNzua. uNuasio numumanile uNzua ukukutegeelaa, unuasio nasika wa kĩNzua sikukukutegeelaa. Kunzĩla ĩĩ kulekanuĩle ĩnkolo nya tai nĩnkolo nya ulimĩĩli.
ndaaĩlĩĩle kukukuona kuukaũ, kwĩtambuĩle ninduue mulomo kumulomo.
kanga wensi wasiite kigyela muandĩkua mukĩtabũ kya upanga, nutaagua munanza ya mooto.
Laaa, nĩĩmĩkile pamulango nikinintia; umuntu kanga wiigie ululi luane nukukigyula uluĩgĩ, nikiingĩla kumuakue, nikilĩa palumuĩ ninduyo, ninduyo palumuĩ nineene.
Kuitĩ uMuana-nkolo nuĩlĩ pakatĩ ityengu lya kĩtemi kakuadĩĩma. nduyo ukakuatongeela kunjiĩlio za maazĩ ma upanga, uNzua ukipiagula ulũsholi luensi mumiiso maao.”
