17 Anũna aane, mutũle atiati aane; mualaae ĩaasio naakugendaa kuutiati wa mpiani naalĩ kumupĩĩle inie.
iMpola naalĩ mwĩmanilie kumuane nukukuzaanũnkula nukukuziigia nukukuziona kumuane, zitendĩ nuNzua nwa matiliga ukitũla palumuĩ niniinie.
Luulo gua, numupeepilie muĩ atiati aane.
sika kukuademela ĩaasio a luuli naluelu, ĩpa muĩ mpiani idyale liasio.
Sika kĩna kuagila kausũũmi, ĩpa mulugendo luĩtu kutũle mpiani kumiani, mukutiate.
Ijukĩkiĩ ĩatongeeli aani naalĩ akumuĩĩla ulukaani lwa kĩNzua, kangĩ mulaaĩkie ĩmpelo ya lugendo luao, mutiate uusuĩĩli waao.
Muntu wensi waleke kuumela uugalimanga waako, ĩpa wĩĩ mpiani kumiao naasuĩlĩĩle, muutambuli numulugendo, muuloogua muusuĩĩli numuweelu.
Kuitĩ mumanile uniinie akola, kĩna yumũjĩpĩĩle kukukutiata ishie, kunsooko sika alĩ kugendĩĩle mukiaka-kiaka kumiani,
Muleke kuakũmpia ĩAyahũdi katia ĩAgiliki katia ikyanisa lya kĩNzua;
Naa ukoolĩ wensi nasikugombile ulukaani luĩtu lwa mbalua ĩĩ, mulaaĩ kĩĩsa muntu nuasio sunga mulekikamamtana nĩnduyo, koona wakolue inshoni.
Namutũla atiati ĩĩtu kangĩ atiati a kĩShekulu, pĩna namuluanũnkula uLukaani munzago ningĩ, palumuĩ nuulumbi nausuupĩlue nu Muau Mwelu;
Anũna aane, namusugula, mualaaĩkie ĩakola wĩleei nuukũmpia, naĩkĩkungumaa nuumanigua naalĩ muamanigue; mwĩnege nĩndĩo.
Mutũle atiati aane kĩna uneene nanumutiati wa kĩKilisito.
