9 Ĩĩ yoĩ mpiani ityũngo nalĩkoolĩ nunzuauu. Kumalagĩĩlio aya ĩantu akumupũnilagiaa uNzua ĩmapũnio nĩmapolia nasika masũũmile kukuukamĩnkĩĩlia umoo wa nuasio nukĩtekela,
iMpiani ya mpola izi ingĩ ubadĩĩzo naukumugũnaa ĩpaino, sika kuuĩĩka kulĩ uudobũ wa muĩlĩ, ĩpa ishookeelio lya moo namuuza ntongela ya kĩNzua kunzĩla ya wiiuki wa kĩYesu Kilisito.
Kuitĩ umupolia namukulu wensi namusaagulue pakatĩ ya antu ukuĩĩkaguaa kunsooko ya antu munkaani nazĩmũjĩpĩĩle uNzua, koona wapũnie ĩmapũnio nĩmapolia kunsooko ya mĩlandu.
Ĩpa ĩnkia alĩ ĩtemile kwipũna kwa kĩAdamu sunga kwa kĩMusa, sunga muaasio nasika alĩ atimuĩle kwilika lya utimu wa kĩAdamu, naalĩ mpiani yaakue umuene nũjiliiiza.
Nwishĩĩga kĩna uNzua usũũmile kukumũiukia sunga kwipũna muukiu; kwipũna kuasio numuligia zĩ kumpiani.
Numupolia wensi ukuĩmĩkaa lutondo kulutondo nukĩtuma uwĩtekeli, nwipũnia ĩmapolia mayo-mayoo nkua ningĩ; ndayo sika masũũmile kwileegia ĩmĩlandu.
Kuitĩ uKilisito sika alĩ wingĩĩle pana yeelu naijĩpigue kumĩkono, ĩĩo mpiani ya Pana yeelu ĩpeene, ĩpa alĩ wingĩĩle kwigyulu ĩliene, wigyelele ĩpaino pausiu wa kĩNzua kunsooko yĩĩtu.
Ĩpa gua, kanga uukamĩnkĩĩlũ ĩalĩĩ ukoolĩ kunzĩla ya upolia wa kĩLawi (kuitĩ ĩpaasio pĩna alĩ ukoolĩ, ĩantu alĩ apeegue uUlagĩĩlio), kunsooko kĩ waĩĩkue kangĩ umupolia wĩngĩ wigyelele nwilika lya kĩMelikizedeki sika yĩĩ kũlika lya kĩAloni?
Mbii gua, uUlagĩĩlio ukusĩĩtane ĩmalago ma kĩNzua? Sika iio! Kuitĩ malĩĩ alĩ ũjilileetua ulagĩĩlio nausũumile kwipangatia, paapo tai, ĩkulukuuluu alĩ ijilitũla kunzĩla ya ulagĩĩlio.
Kanga aza ĩwĩĩlĩ muna nsĩĩ sika azũjilitũla mupolia; kunsooko akoolĩ ĩapolia naakupũnagiaa ĩmapũnio kunzĩla ya Ulagĩĩlio.
