2 uIbũlahimu numoomoela ityũmpĩ likyumi lya iintu tũlũ. Taangua ĩndogolelio ya liina liakue, ingĩ mutemi wa kulukuuluu, kangĩ mutemi wa Salemũ, kuitĩ ingĩ mutemi wa matiliga.
“Laaa, munanso, ukitũla nĩndaa, Ukakĩtũnguĩla muana ĩkakumuĩta ĩliina liakue Imanueli,” (ĩNdogolelio yaakue, Nzua wĩpalumuĩ nindiishie.)
“uUkulu kwa kĩNzua kukiania numuna nsĩĩ matiliga kuantu naamuloelĩĩlie.”
Koona walagĩĩle ĩkulukuuluu yaakue pĩnityũngo ĩlĩ, kĩna muene munakulukuuluu, kangĩ kĩna muene mukola kumualĩĩlia ĩkulukuuluu unuasio nutĩĩte uusuĩĩli mwa kĩYesu.
Kuitĩ uMelikizedeki, nuasio umutemi wa Salemũ, mupolia wa kĩNzua nwa kukiania, naalĩ itaaganile nuIbũlahimu pĩna alushookile kwipũna kuulugu wa kĩkua nĩatemi; numukembeta.
Mugila kishee, mugila kanina, mugila kandugu, mugila kamuandio wa ntondo sunga ĩmpelo ya uumĩ, ĩpa nwĩpianĩkĩĩligua nuMuana wa kĩNzua, wikyalile kũtula mupolia yukutilĩ kampelo.
