పిలిప్పి 1:19 - నొవ్వి ప్రమానుమ్

¹⁹ పడ్తొ, అన్నె కిచ్చొ సర్ద కచితుమ్ జయిందె మెలె, తుమ్ ప్రార్దన కెర్లి రిసొ, యేసుక్రీస్తుచి ఆత్మ అంక తోడు తిలి రిసొ, ఈంజేఁవ్ బాదల్ ఎత్కితె రచ్చించుప జయిందె మెన జాని.

పిలిప్పి 1:19 交叉參考

బారికుల్ కమ్మొ 16:7

చి ఉత్తర పక్కచి వాటు గెచ్చ, ముసియ ప్రాంతుమ్‍తె పాఁవిలె, బితునియ ప్రదేసిమి గెచ్చుక ఉచర్ల, గని జేఁవ్ ఒత్త గెచ్చుక కి యేసుచి ఆత్మ ఒప్పె నాయ్.

రోమా 8:28

అన్నె కిచ్చొ దయిరిమ్ జతసుమ్ మెలె, దేముడుక ప్రేమ కెర్లసక, మెలె జోచయ్ జంక మెన దేముడు జోచి ఇస్టుమ్‍క బుకార్లసక కిచ్చొ బాదల్ అయ్‍లె కి, జేఁవ్ బాదల్‍తె కి చెంగిల్ పలితుమ్ దెర్తి రితి జా ఎత్కి చెంగిల్‍క బెదిత్ రితి జో నెరవెర్సుప కెర్తయ్ మెన జానుమ్.

రోమా 8:9

తుమ్, మాత్రుమ్, మాములుమ్ మాన్సుచి పాపుమ్‍బుద్దిచ నెంజుస్, ఈంజ ఆఁగ్‍చ ఆసల్‍క జితస నెంజుసు, నాయ్ గెద? దేముడుచి సుద్ది తిలి ఆత్మ తుమ్‍చి పెట్టి అస్సె జలె, జోచి ఆత్మకయ్ జితసు. కేన్ మాన్సుచి పెట్టి క్రీస్తుచి ఈంజ ఆత్మ తయె నాయ్ గే, జో మాన్సు క్రీస్తుచొ నెంజె.

1 కొరింది 4:17

జాకయ్ ప్రేమ తిలొ నిదానుమ్ తిలొ ప్రబుచి తెడి అంక పూత్తు జలొ తిమోతిక తుమ్‍తె ఆఁవ్ తెద్రవ అస్సి. కిచ్చొక మెలె, ఆఁవ్ క్రీస్తుచి తెడి కీసి ఇండితసి గే, సంగుమ్‍లు ఎత్కితె కిచ్చొ బోదన కెర్తసి గే, తుమ్‍క జో ఉచార కెరయ్‍తి రిసొ, తుమ్‍క ‘ఉచార కెర బుద్ది తత్తు’ మెనయ్.

2 కొరింది 1:11

అమ్‍చి రిసొ తూమ్ కి ప్రార్దన కెర కెర అమ్‍క తోడు తా, చి ఒగ్గర్‍జిన్ ప్రార్దన కెర్లి రిసొ ప్రబు అమ్‍క రచ్చించుప కెర్లొ మెనయ్, ఒగ్గర్‍జిన్ జోచి సర్ద సంగుల.

గలతి 3:5

జోచి ఆత్మ దా తుమ్‍తె జోచి అదికారుమ్ దెకయ్‍త వెల్లొ కమొ కెర్తొసొ, జలె, ఆగ్నల్‍చి రిసొ జెయిమ్ కెర్తయ్ గే, మాన్సుల్ జోవయించి సుబుమ్ కబుర్ సూన నంప కెర్లి రిసొయి జర్గు కెర్తయ్ గే, తుమ్ చెంగిల్ ఉచర. జోవయించి సుబుమ్ కబుర్ మాన్సు సూన నంప కెర్లి రిసొయి.

గలతి 4:6

పడ్తొ తుమ్‍క ‘జేఁవ్ కి నిజుమి జోవయించ పుత్తర్లు జల’ మెన అమ్ జాన్లి రిసొ, దేముడు జోచొ పుత్తుస్‍చి ఆత్మ అమ్‍చి పెట్టి తెద్రవ అస్సె, చి జా కోడు ఒప్పన్‍తి సర్దక ‘ఓ బ, ఓ బ’ మెన అమ్ జోక ఉంక్రయ్‍తసుమ్.

పిలిప్పి 1:18

జలె, కిచ్చొ? జోవయించి పెట్టిచి బుద్ది మాయచి జలెకి, సత్తిమ్‍చి జలెకి, క్రీస్తుచి రిసొయి జేఁవ్ సాడుప కెర్తతి. జాచి రిసొ అంక ఒగ్గర్ సర్ద.

1 పేతురు 1:11

కిచ్చొ పుసిల మెలె, “అమ్‍చి పెట్టి క్రీస్తుచి ఆత్మ సంగిల జో సేడుక తిల బాదల్ జో పడ్తొక గవురుమ్ జంక తిలిసి కేన్ సమయుమ్‍క జర్గు జంక, కీసి సమయుమ్‍క జర్గు జంక అస్సె?” మెన పుసిల.