Titu 1:4 - Ibibiliya mu Shimakonde Imbodi Yaambi na dimbande dya Imbodi Yakala

⁴ kumwe Titu mwanangu waumwiu nkati mulikulupililo lyetu lyaupamo. Umonyo na amani vyakwalakela kumwe Nnungu Tatamunu na kumwe Klistu Yesu Mwamboli wetu, vipagwe kwako wako.

Titu 1:4 交叉參考

Lukashi 2:11

Nelo apa kwavo Daudi andivalekwa mwamboli kwamwaa wenu mwenu; Klistu, Umu.

Nshuwau 4:42

Vanavo vanímwaulila nkongwe kushidoni, “Munu aju wetu hatunankulupila shinu kwamwaa wamalove ako wako mwaa ata wewe tuvene tundimwigwa na tunkumanya kenga aju mwiu ni Mwamboli wamushilambo.”

Valoma 1:12

Doni ni pakulota tupambadyangigwe kwaindila yalikulupililo lyakula munu, lyenu mwenu pamo na lyangu nangu.

Valoma 1:7

Kwenu mwenu uti múpagwa ku Loma, mwemwe mmakunagwaleka vake Nnungu na múshamagwidye muve mmakwilimyanga. Umonyo upagwe kwenu mwenu na amani yakwalakela kumwe Nnungu Tatagwetu na kumwe Umu Yesu Klistu.

II Vakolintu 12:18

Ninnaililila Titu aide ako na nintumidya pamo namu nung'unumunu junji jo. Da doni po, Titu jo aninshonda? Da wetu hatunalangalalegwa shinu kwaimumu jumo jojo na hatunalivata shinu mumo momo?

II Vakolintu 2:13

muntima mwangu hanguvenavo unaiti mwaa palyutu alyo, haninkodídye nung'unumunu Titu. Nadoni ndikavalaila vanavo kutwala kuka ku Makedoniya.

II Vakolintu 4:13

Napanelo pakuva tunkuvanavo imumu imo yoyo yalikulupililo kenga mwavandikidile, “Ndikulupila napane nditangola,” nawetu momo tundikulupila napane tunditangola

II Vakolintu 7:6

Kanji napane Nnungu ávapambadyanga vakwanalegwa, anditupambadyanga wetu kwaindila yakuwika Titu,

II Vakolintu 8:16

Napanelo lilambwalalelo lipagwe kwa Nnungu ávikile kutumbama koko kwanguvenavo kwenu mwenu muntima mumwe Titu.

II Vakolintu 8:23

Kwaupande umwe Titu, nae po ni nyangu na mmádengomwangu kwamwaa wenu mwenu. Kwaupande wavanung'unumunu vanji vo, vanavo ni vakutumigwa vamaganisha, àvele lishangelo lyake Klistu.

II Vakolintu 8:6

Nadoni tuninnaililila Titu doni, mo mwatunduvangidile, amalilile momo shimadengo ashi shaumonyo pakati penu.

Vagalata 2:3

Napane ata jo nyangu Titu wanguvénavo àvele avi ngalegu, hapali ámuungidile akumuligwe likumbi.

Vagalata 3:26

Mwaa mwenu uti mmanavake Nnungu kwaindila yalikulupililo nkati mumwe Klistu Yesu

Vagalata 3:28

Hapali muyuda na ata ngalegu, ntumwa na ata wamuunaiti, nnume kwali nkongwe mwaa uti mwenu ni munu jumo mumwe Klistu Yesu.

Vaepeshu 1:2

Umonyo upagwe kwenu mwenu na amani yakwalakela kwa Nnungu Tatagwetu na kumwe Umu Yesu Klistu.

Vakoloshu 1:2

kwavakwilimyanga na kwavakukulupilika vanung'unumunu nkati mumwe Klistu vápagwa ku Koloshu. Umonyo upagwe kwenu mwenu na amani vyakwalakela kumwe Nnungu Tatagwetu.

I Timoti 1:12

Ninkunnambwalela aijá ángupele dimongo, Klistu Yesu Umu wetu mwaa nae aningwona kuva wakukulupilika anguvika mushimadengo shake

II Timoti 1:1

Paulu, myombe umwe Klistu Yesu kwalilotelo lyake Nnungu kwakwodanavo kulivikila kwashingumi shipagwíte nkati mumwe Klistu Yesu,

II Timoti 1:2

kumwe Timoti mwanangu wakunagwaleka. Umonyo, shididi na amani vyakwalakela kumwe Nnungu Tatamunu namu Klistu Yesu Umu wetu, vipagwe kwako wako.

II Timoti 4:10

Mwaa Demashi kwakunagwaledya wakati au, aningwambukanga kutwala kuka ku Teshalonika. Keleshete kuka ku Galata, Titu kuka ku Dalamashiya.

Titu 1:3

napane muwakati uvaikidíle nae andilodya mulilove lyake kwaindila yakuvalanganga lilove, ko kwangukulupilike nangu kwalilamulo lyake Nnungu, Mwamboli wetu,

Titu 2:13

akuno tulindila lilindilililo lyakutumbyangilika, kuumilila kwalishangelo lyake Nnungu nkumene Mwamboli wetu Yesu Klistu

II Patulu 1:1

Simoni Patulu, ntumwa na myombe umwe Yesu Klistu, kwa avalá vapatíle likulupililo lyolyo livénavo mana alinganána na lyetu kwaindila yaishaliya imwe Nnungu wetu, Mwamboli Yesu Klistu.

II Patulu 1:11

Mwaa kwainamuna ai mwenu mundapata aki yakwinjila kwabila kundingadinga shoeshoe muutawala úkamalilika umwe Umu wetu na Mwamboli Yesu Klistu.

II Patulu 2:20

Napane ikava kenga vanavo vandipalanyoka muudagwa wamushilambo kwaindila yakummanya Umu wetu na Mwamboli Yesu Klistu kutwala kujola kavili na kutamegwa muudagwa, shinamidyo shavanavo shinkumamodya kunyata kupunda shitandi.

II Patulu 3:18

kanji kulumuka nkati muumonyo na mukummanya Umu wetu, Mwamboli Yesu Klistu. Kwake nae lipagwe lishangelo ambi apa na mpaka mumaduva ákamalilika! Ame.

II Patulu 3:2

yakunkumbuwanga malove atangaléke wakati wapanyuma kwaindila yavakulava vakwilimyanga na alilá lilamulo limwe Umu na Mwamboli lyamuukile ndapundishigwa na vamyombe venu.

I Nshuwau 5:14

Au ni ntima shii watuvenavo kwa Nnungu: patujugwa kwodananavo malotelo ake, nae ankutwigwa.

Yudashi 1:3

Mmakunagwaleka, ata ikava kenga ngushindatumbama yakumwandikila kwamwaa wakwambolegwa kwaupamo, ndyona kudyanga nimwandikile ninnaililila pakulota mushililidye likulupililo lyavapatile vakwilimyanga kwamwanda umo tu bai.