Nshuwau 7:37 - Ibibiliya mu Shimakonde Imbodi Yaambi na dimbande dya Imbodi Yakala

³⁷ Napanelo muliduva lyashidududu, liduva likumene lyakumalilanga shikukulu, Yesu andítakatuka kwimila kutwala kutangola pashanya po aashidoni, “Akapagwa ínkadile inyota, aide kwangu akumbile.

Nshuwau 7:37 交叉參考

Mateu 11:28

“Idananga kwangu mwenu uti díndabadabyenge dibasha, nangu nampumudya.

Mateu 3:3

Aju ni jo wammalangénge nkúlava Ishaiya doni, “Lidi linkwigwinika kushimbweshe, ‘Kandyanga indila yake Umu aalowa mwalota kupita.’ ”

Mateu 5:6

Vandyalaligwa avalá vavénavo indala na inyota yaishaliya, mwaa vanavo vandaikuta.

Nshuwau 1:23

Nshuwau kushidoni, “Nangu ni lidi likúgwa kushimbweshe, ‘Alowa indila yake Umu,’ ni sho shitangodi ashilá shimwe nkúlava Ishaiya.”

Nshuwau 14:6

Yesu kushidoni, “Nangu ni Indila, Umwiu na Shingumi. Hapali wakwida kumwe Atata pakapitila kwangu nangu.

Nshuwau 4:10

Yesu akanjang'ula kushidoni, “Wako leka ùmanyite inudyo ya Nnungu na ùmmanyite aijá átangola doni, ‘Ngupa medi ngukumbile,’ ukaninjugwa nae na nae akandikupa medi ashingumi.”

Nshuwau 4:11

Nkongwe aijá do, “Nang'olo, wako hauvé shombo shakutakela na shima shindikadaleka, napane medi ashingumi lo, ulota kupata kwashi?

Nshuwau 4:14

kanji aijá álota kukumbila medi angulota kumupa nangu mwiko hainkola shinu kavili inyota. Medi angulota kumupa nangu lo andatadya nkati mwake mupandukange libububu lyamedi akumukanga auka kushingumi shíkamalilika.”

Nshuwau 5:40

napane mwenu munkwita kwida kwangu nangu pakulota shingumi sho, mupate.

Nshuwau 6:35

Yesu kushidoni, “Nangu ni Ligung'u Lyashingumi. Aijá áida kwangu, hainkola shinu kavili indala na aijá ángukulupila nangu, mwiko hainkola shinu kavili inyota.

Nshuwau 6:37

Kula munu wangupa Atata andaida kwangu na aijá áida kwangu nangu, mwiko haninkumulanga.

Nshuwau 6:55

Mwaa mili wangu ni shakulya shiu na myadi vyangu ni shakukumbila shiu.

Nshuwau 7:28

Napanelo Yesu apundisha mwing'ande ya Nnungu, andítangola pashanya po, “Elo, mwenu muningumanya na kwetu mundimanya. Kanji nangu hangubunidye nimwene kwida akuno ila aijá ángutumididye ni waumwiu. Mwenu nae hamummanyite,

I Vakolintu 10:21

Mwenu hamuulula kukumbilila luwene lumwe Umu na luwene lwavandamoni, hamuulula kuliinjidyanga pandamu umwe Umu na pandamu wavandamoni.

I Vakolintu 10:4

uti vandíkumbila medi lolo aimumu; doni vanavo vandíkumbila kwalakela mulijanga lyaimumu alilá líshivoda, lijanga lyo àvele Klistu.

I Vakolintu 11:25

Nimumo momo ling'oto lyakulya andítwala shikombe kutwala kushidoni, “Ashi ni shikombe shaimbodi yaambi mumyadi vyangu; kula wakati pamutenda, kumbilila shanavo kenga kumbukumbu yangu nangu.”

I Vakolintu 12:13

Mwaa mu Imumu jumo tundibatishwa nkati mumili umo, vayuda kwali vamidi, vatumwa kwali vamuunaiti, na uti wetu tundyuka nankumbila Imumu jumo.

Vaepeshu 5:18

Vinyu hamunaambalwe mwaa momo mo, munkupagwa kulauka kanji umbaligwa na Imumu

Maono 21:6

Aníngwaulila kavili doni, “Vindiwikila popo. Nangu ni Alupa na Omega, Nantandi na Wamwisho. Ávenavo inyota ndamupa akumbile monyo papandukenge medi ashingumi.

Maono 22:1

Napanelo njelo aníngulodya lundi lwamedi ashingumi kenga shilolo shakulangala, áshaaloka pashiteng'u shake Nnungu na sha Ngandolo,

Maono 22:17

Imumu pamo na nkúlombwa vankushidoni, “Ida!” Kula áigwa aashidoni, “Ida!” Aijá ávenavo inyota, aide; aijá álota, atwale medi ashingumi akumbile monyo.