Nshuwau 7:31 - Ibibiliya mu Shimakonde Imbodi Yaambi na dimbande dya Imbodi Yakala

³¹ Ata ivé davo, vanu voe pakati paimbumba vanínkulupila vaashidoni, “Da na Klistu palota kwida po, andalodya vimanyikilo vinji vyakupunda vyatenda aju avi?”

Nshuwau 7:31 交叉參考

Mateu 12:23

Imbumba uti yavanu indishanga iishidoni, “Da aju, ava jo mwanagwe Daudi?”

Lukashi 8:13

Igwilidíle padinyanga inkwitika kuva vanu vánatenda pavaigwilila lilove lya Nnungu, kupwashalela na lipuwilo kanji mwaa úkave wakulitalalakela, vakulupila kwawakati kutwala akavakodya malingo kutila.

Nshuwau 11:45

Kutwala vanu voe pakati pavayuda ve vamwidilíle Maliya pavagwene avilá vyatandile Yesu vanínkulupila.

Nshuwau 12:11

mwaa, kwamwaa wake, vanu voe vashindavaambukanga vayuda kutwala kunkulupila Yesu.

Nshuwau 12:42

Kanji napane ata po pakati pavakutawala po, voe vanínkulupila Yesu kanji kwamwaa wamapalishayo havashilivalanganga likulupililo lyave vajopa kuvingigwa muvitala vyakulipudidya.

Nshuwau 2:11

Ashi ni shimanyikilo shitandi shatandile Yesu ku Kanaa ya ku Galileya. Amu ni mwalaladidye lishangelo lyake kutwala vakwoda vake kunkulupila.

Nshuwau 3:2

Munu aju andímuukila Yesu shilo ndamwaulila doni, “Labi, wetu tundimanya shana kenga wako apa walakadilé kwa Nnungu, gwegwe umwalimu. Vimanyikilo vyautenda wako avi, hapali munu wakuulula kutenda bila Nnungu kupagwa pepi-pepi namu nae.”

Nshuwau 4:29

“Ida munnole munu ánguvalangenge vinu uti vyangutandile kanji kwali Klistu?”

Nshuwau 4:39

Bai vashamaliya voe vapalikaja alyo vanínkulupila kwamwaa waushuda waumídye nkongwe doni, “Aninguvalanganga vinu uti vyangutandile.”

Nshuwau 6:2

kutwala imbumba yavanu kupita imwoda mwaa vashindalaledya vimanyikilo vyashitenda muvalwele.

Nshuwau 7:26

Alo! I aju apa átangola ngala, vanavo me havanatangola shinu? Da vakutawala vankumanya kenga munu aju mwiu ni jo Klistu?

Nshuwau 9:16

Mapalishayo vanji kutwala kushidoni, “Munu aju hanaaloka shinu kwa Nnungu mwaa ankutimbanga liduva lyakupumula.” Vanji kushidoni, “Kanji ilota kuululika dashi munu wakutega kulodya vimanyikilo kenga avi?” Bai pakati pave kundípagwa kuvilingananga.

Vitendo 8:13

Ata mpaka jo mwene Simoni momo andíkulupila kutwala nanae kupata ubatisho na ngwengwe ashindamwoda Pilipo alaledya shana vimanyikilo na vyamakango vikumene víshitandeka kutwala nae kushanga doni.

Tiyagu 2:26

Nadoni mili kwabila imumu undipela, namomo likulupililo kwabila vitendo, lindipela.