Nshuwau 6:45 - Ibibiliya mu Shimakonde Imbodi Yaambi na dimbande dya Imbodi Yakala

⁴⁵ Mumabuku avakulava vandyandika doni, ‘Vanavo uti vandava vakupundishigwa na Nnungu.’ Nadoni kula munu ámwigwite Atata na álipundishidye kwake nae ankwida kwangu nangu.

Nshuwau 6:45 交叉參考

Mateu 11:27

Vinu uti aningukamudya Atata. Hapali junji ámmanyite Mwana ila Atata na hapali ámmanyite Atata ila Mwana pamo namu aijá walota kunnodya mwene Mwana.

Mateu 17:5

Patulu akuno atangola, kuwa kwaloka lyundi lyakushenga kuvainikidya, mo mulyundi mo kwigwinika lidi liishidoni, “Aju ni mwanangu waninnagwaledya, ángupa lipuwilo, jojo jo, mwigwilile.”

Malukushi 1:2

Kwodana na avilá vyandikíke mulibuku lyake nkúlava Ishaiya, “Wako, mushu mwako ninkuntumidya múntenga wangu, nae andakukandyangidya indila yako.”

Lukashi 1:70

kenga mo mwatangaladile kwaindila yavakulava vakwilimyanga vakala

Lukashi 18:31

Napanelo Yesu andívatwala avalá kumi na mbili kuvaulila kushidoni, “Mwenu, apa tunkwamboka kuka ku Yelusalemu; koko ko, vindatandeka vinu uti vyavaandike vakulava vimwámba Mwana Wamunu

Nshuwau 10:27

Vangandolo vangu nangu, vankwigwa lidi lyangu; nangu ndivamanya vanavo na vanavo vankungwoda.

Nshuwau 6:37

Kula munu wangupa Atata andaida kwangu na aijá áida kwangu nangu, mwiko haninkumulanga.

Nshuwau 6:65

kutwala kushidoni, “Ni ashi shitadídye nangu nimwaulile mwenu doni, hapali wakuulula kwida kwangu Atata akampele litala.”

Vitendo 13:40

Nangu ninkushidoni, shonde lilaledye pakulota havinankodye avilá vyavatangwele vakulava doni,

Vitendo 7:42

Nnungu napane andívaambukanga pakulota avaleke valipudye kudinondo na kuvinu vinji vivéle kumaundi. Ni kuvalela momo mwavaandikidile mulibuku lyavakulava doni, “ ‘Mmanaishilaeli! Da vanyama vamuvashindenge kushimbweshe kuvatenda shadaka muwakati wavyaka alubaini, shadaka asho mungutandalelé nangu?

Vaepeshu 1:17

Ndájugwa doni, Nnungu umwe Umu wetu Yesu Klistu, Tatamunu Walishangelo, amupe imumu yalimanyilo na yamaono nkati mukummanya shana nae

Vapilipo 3:15

Napavedoni uti wetu túlota tuve tuvashalowa indituvaikila tukumbukile doni, ikava kenga apali ákumbukilila munji, ajo Nnungu andamuunukulila shinu asho.

I Vateshalonika 4:9

Napanelo kwaing'ano yalinagwaledyo lyashinung'unumunu hainaloteka shinu kumwandikila mwaa mwemwe mmene mundipundishigwa namu Nnungu pakulota munagwaladyanie.

Vabalaniya 10:16

“Ai ni imbodi yangulota kupanga na vanavo ling'oto lyamaduva alo,” atangola Umu. “Ndavika malamulo angu mmitima vyave, na ndaandika muding'anong'ano dyave.”

I Nshuwau 2:27

Kanji kwaupande wenu mwenu kupakigwa kwamupatile kwake nae, kunkupagwa nkati mwenu na mwenu hamunatakigwa shinu munu ampundishe. Kwoda kupakigwa kwake kunkumpundisha mwenu kwamwaa wavinu uti na kwaumwiu hakunashang'apa shinu, pagwa nkati mwake kulingana kenga mo mwampundishididye.