Nshuwau 6:27 - Ibibiliya mu Shimakonde Imbodi Yaambi na dimbande dya Imbodi Yakala

²⁷ Hamunakole madengo kwamwaa washakulya shúnda kanji kola kwamwaa washakulya shipágwa mukwing'a shingumi shíkamalilika. Shakulya asho Mwana Wamunu andamupa mwaa jojo jo, Nnungu Atata anintaa namakong'o.”

Nshuwau 6:27 交叉參考

Mateu 17:5

Patulu akuno atangola, kuwa kwaloka lyundi lyakushenga kuvainikidya, mo mulyundi mo kwigwinika lidi liishidoni, “Aju ni mwanangu waninnagwaledya, ángupa lipuwilo, jojo jo, mwigwilile.”

Mateu 25:46

Bai ava vandauka kushaushanga shíkamalilika, avalá vaishaliya kuka kushingumi shíkamalilika.”

Mateu 3:17

Bai lidi lyakwalakela kuwa kushidoni, “Aju ni mwanangu wakunagwaleka, kwamwaa wake nae ninkupuwanga namene.”

Mateu 6:19

“Napanelo hamunalikandyedye mali mushilambo shapai mwavananganga vinu ushwa na umandi, mwavatutumula vakwiva kutwala kwiva.

Mateu 8:20

Yesu kushidoni, “Vanansheto vankuvanavo vivava, vyuni vyakuniania vinkuvanavo vyanda kanji Mwana Wamunu havé pashinu pakwijamidya muti wake.”

Malukushi 1:11

kutwala kuwa kwigwinika lidi litédoni, “Wako ni umwanangu wanikunagwaledya, gwegwe unkwidanavo lipuwilo kwangu.”

Malukushi 9:7

Bai kutwala kushuluka lyundi kuwa kuvainikidya, mo mulyundi mo kwigwinika lidi litédoni, “Aju ni mwanangu waninnagwaledya! Jojo jo mwigwilile!”

Lukashi 3:22

kukashimuke, Imumu Wanashwe wakwaneka shana wakuva mwang'unda kushuluka kuntulila mumili kutwala kuwa kwigwinika lidi lishishidoni, “Wako ni umwanangu wapantima, ninkukunnagwaledya namene; kwamwaa wako wako nangu ninkupuwanga namene.”

Lukashi 9:35

Mo mulyundi mo lindyúma lidi líshishidoni, “Aju ni mwanangu, wakutandalegwa wangu, jojo jo mwigwilile!”

Nshuwau 10:28

Avalá vangwóda nangu, ninkuvapa shingumi shíkamalilika, vovo vo mwiko havajaika na hapali wakungupoka mmakono mwangu.

Nshuwau 11:42

Ninkumanya kenga wako ngwengwe unkungwigwa kanji nditangola davo pakulota vanu vangutang'anadídye vakulupile kenga wako po, ni úngutumididye.”

Nshuwau 14:6

Yesu kushidoni, “Nangu ni Indila, Umwiu na Shingumi. Hapali wakwida kumwe Atata pakapitila kwangu nangu.

Nshuwau 15:24

Leka ndikatandile vinu vyakanava kutenda munu woewoe pakati pave, vakanavenavo madambi. Kanji napane vanavo vandyona kutwala kunguvangedya nangu namomo kummangedya Atata.

Nshuwau 17:2

kenga mo mwaumpalale wako madalaka pashanya pavanu uti pakulota avape shingumi shíkamalilika avalá vaunkamudidye.

Nshuwau 3:15

pakulota vanu uti vankulupíla nae vavenavo shingumi shíkamalilika.

Nshuwau 3:33

Aijá áitikila ushuda wake ankuntaa namakong'o kenga Nnungu ni ávenavo umwiu.

Nshuwau 6:40

Mwaa malotelo amwe Atata ni ala, kula munu ámwona Mwana na kunkulupila apate shingumi shíkamalilika na nangu nandyuwa muliduva lyamwisho.”

Nshuwau 6:47

Nangu ninkumwaulila mwiu mwiu doni, aijá ákulupila ankuvanavo shingumi shíkamalilika.

Nshuwau 6:51

Nangu ni ligung'u lingumi lyalakadíle kuwa. Munu woewoe akalya ligung'u ali andanama ngwengwe. Ligung'u lyene lyo ni wo mili wangu au wangulota kujaula pakulota shilambo shipate shingumi.”

Nshuwau 6:53

Yesu kutwala kuvaulila doni, “Ninkumwaulila mwiu mwiu doni, mwenu mukanamamena mili wa Mwana Wamunu na kukumbila myadi vyake hamuvanavo shingumi nkati mwenu.

Nshuwau 6:54

Aijá álota kumamena mili wangu na kukumbila myadi vyangu ankuvanavo shingumi shíkamalilika. Nangu munu ajo, nandyuwa muliduva lyamwisho.

Nshuwau 6:58

Mwenu! Ali ni ligung'u lyalakadíle kuwa. I kenga mwavalyalalele vanakuluvenu kutwala kupela; aijá álya ligung'u ali andanama ngwengwe.”

Nshuwau 6:62

Ilota kuva dashi mukamwona Mwana Wamunu akwela auka kulyutu lyavéle patandi?

Nshuwau 6:68

Simoni Patulu kutwala kunjang'ula aashidoni, “Nang'olo, wetu tuka kumwe nyani? Wako ni úvenavo malove ashingumi shíkamalilika.

Nshuwau 8:18

Napanelo nangu ni nimunu ngumya ushuda ngulivalanganga nene nimwene na junji áumya ushuda anguvalanganga nangu ni Atata ángutumididye.”

Vitendo 10:38

mwashi mwampakidile mauta Yesu wa ku Nashaleti kwa Imumu Wanashwe na dimongo kutwala nae kuwena atandedya wambone apita avaponia vanu váshitawaligwa na Ndamoni mwaa Nnungu andípagwa namu nae.

Vitendo 2:22

Patulu kutwala kuka mushu aashidoni, “Mmanaishilaeli ngwigwa! Yesu nnashaleti, munu áakikishigwe pamevo penu kwavyamakango, vyakutikinikanga na vimanyikilo vyatandile Nnungu kwenu mwenu kwaindila yake nae kwodananavo mwamumanyilile mwemwe mmene,

Valoma 4:11

Shimanyikilo shakukumuligwa kwake nae shivele kenga namakong'o waishaliya yalikulupililo muungakumuligwa pakulota dashi, nae ave tatamunu wauti avalá vakulupíla muungakumuligwa kwambangidya navanavo momo vavalangiligwe ishaliya

Valoma 6:23

Mwaa nshala walidambi ni kupela kanji inudyo ya Nnungu ni shingumi shíkamalilika nkati mumwe Klistu Yesu Umu wetu.

I Vakolintu 6:13

“Vyakulya kwashitumbo, shitumbo kwavyakulya,” napane vyovyo vyo, Nnungu andamalidya kwaunapamo. Mili haupagwite kwamwaa wakulavalava kanji kwamwaa umwe Umu na Umu kwamwaa wamili.

I Vakolintu 9:2

Ata ikava kenga nangu kwavanu vanji hangunava shinu myombe kanji padyoko vela kwenu mwenu ninkuva, mwaa mwenu ni namakong'o waumyombe wangu nkati mumwe Umu.

II Vakolintu 4:18

akuno tulola vinu i vyanéka kanji víkaaneka. Mwaa vyanéka, vyakupita kanji víkaaneka ni víkamalilika.

Vagalata 5:6

Mwaa nkati mumwe Klistu Yesu, kukumuligwa likumbi kwali mene, hakuve mana ila livé na mana ni likulupililo lililódya mulinagwaledyo.

Vapilipo 2:13

mwaa Nnungu ni ákola madengo nkati mwenu pakulota mwenu mulote na mutandedye kwodananavo amulá munnagwéla nae.

Vakoloshu 1:29

Kwashabaa ai, ninkukola shimadengo shakupwateka ngulikanyalidya kwodananavo shimadengo shake shikóla namene madengo nkati mwangu na dimongo.

Vakoloshu 2:22

Avi uti vankwamba avilá vitumíka kutwala kutimbikanga. Malamulo alo ankwodananavo mang'amung'amu na mapundisho ashimunumunu tu bai.

Vakoloshu 3:2

Kumbukila vinu vivéle kuwa i vivéle mushilambo shapai

I Vateshalonika 1:3

tukumbukila pamevo pamwe Nnungu, jo Tatagwetu, madengo enu alikulupililo, kulikanyalidya kwenu kwalinagwaledyo na kunanopa kwenu kwalilindilililo kumwe Umu Yesu Klistu

II Timoti 2:19

Napane shitunduvangilo shakunanopa sha Nnungu shinkuka mushu shipagwa shivanavo namakong'o aju, “Umu ankuvamanya avalá vake,” na, “Woewoe átambulanga lina limwe Umu aapukanangenavo ungave-shaliya uti.”

Vabalaniya 12:16

hanapagwe munu pakati penu wakulauka kwali wadyeluelu álinganana kenga Ishau áshulushidye shinang'olo shake shakuva nae mwana ntandi kwandamu umo washakulya.

Vabalaniya 4:11

Napavedoni, tulikanyalidye kwinjila mukupumula ako kwambangidya hanapagwe wakugwa aodedya mpano wowo waungaigwilila.

Tiyagu 1:11

liduva lindáuma, palinavala namene po, maukutu andajuma kutwala dinduva kupakatika na kwalala kwake ko, kutimbikanga. Nimumo momo ntajili andatimbikanga pakati pashimadengo shake.

I Patulu 1:24

Mwaa “Vanu uti vankuva kenga udani, kushenga kwave uti kunkuva kenga induva yaudani. Udani undajuma na dinduva dinanyala,

II Patulu 1:17

Nae andipata ishima na lishangelo lyakwalakela upande umwe Nnungu Atata, muwakati aulá walimwididile lidi lyaléke mulishangelo lyakujowa litédoni, “Aju ni Mwanangu, Wakunagwaleka wangu, ángupa lipuwilo;”