Nshuwau 14:19 - Ibibiliya mu Shimakonde Imbodi Yaambi na dimbande dya Imbodi Yakala

¹⁹ Undiijalila wakati padyoko shilambo hashingwona ila mwenu munangwona. Kwoda nangu ninkunama, namwenu momo mundanama.

Nshuwau 14:19 交叉參考

Nshuwau 11:25

Yesu doni, “Nangu ni Kudyuka na Shingumi. Aijá ángukulupila nangu, ata akapela andavanavo shingumi.

Nshuwau 12:35

Yesu kushidoni, “Muwakati padyoko lilangadyo lindapagwa pakati penu. Nadoni wena po pamuvenavo lilangadyo apa kwambangidya shii hashinanshushuwange. Aijá ánawena mushii, hanamanya kwashi kwauka.

Nshuwau 13:33

“Mmanavangu, undibakila wakati padyoko wakupagwa namu mwenu. Munangulambela napane kenga mo mwandivaulidile vayuda, ambi apa ninkumwaulila mwenu, ‘Kwanguka nangu mwenu hamuulula kuka.’

Nshuwau 14:6

Yesu kushidoni, “Nangu ni Indila, Umwiu na Shingumi. Hapali wakwida kumwe Atata pakapitila kwangu nangu.

Nshuwau 16:16

“Muwakati padyoko hamungwona; muwakati padyoko kavili, munangwona.”

Nshuwau 16:22

Doni, mwenu ambi apa munkuvanavo shipalodi kanji nangu ndamwona kavili na mitima vyenu vindapuwanga, lipuwilo alyo hapali wakumpoka.

Nshuwau 6:40

Mwaa malotelo amwe Atata ni ala, kula munu ámwona Mwana na kunkulupila apate shingumi shíkamalilika na nangu nandyuwa muliduva lyamwisho.”

Nshuwau 7:33

Yesu kutwala kuvaulila doni, “Ndapagwa kavili namu mwenu muwakati padyoko, kutwala apo ndauma kuujila kumwe aijá ángutumididye.

Nshuwau 8:21

Napanelo Yesu andítangola mumwanda wambili aashidoni, “Nangu ninkulyumadyanga, mwenu munangulambela kanji mundapalanga mumadambi enu. Kwanguka nangu apa mwenu po hamuulula kwida.”

Vitendo 10:41

kanji i kwavanu uti ila kwetu wetu tuvashuda vátutandwele Nnungu tangu kala, wewe túlile na túkumbidile namu nae ling'oto lyakudyuka pakati pavakupela.

Valoma 5:10

Mwaa ikava kenga wetu patuvéle tuvammongo vanditutadya twigwanie namu Nnungu kwaindila yakupela kwa Mwanagwe, kupunda namene patwigwenie apa, tundaambwalegwa kwaindila yashingumi shake.

Valoma 8:34

Nyani álota kuvaukumu? Klistu Yesu ni ápadile, leka apo ni ádyukile, ni áikele kunkanakono wake Nnungu namomo nae ni átujugwangila.

I Vakolintu 15:20

Kanji napanelo Klistu mwiu andidyuka mukupela; jojo jo kuva shepo shitandi pakati pa avalá valéle.

I Vakolintu 15:45

Kenga indyandikigwa, “Munu ntandi Adamu nae andyuka ndava ungumi unáma”; Adamu wamwisho aju, nae andyuka ndava imumu íng'a shingumi.

Vabalaniya 7:25

Napavedoni nae ankuulula kuvaambole-uti avalá vammandíka Nnungu kwaindila yake pakuva jojo jo, ankunama ngwengwe pakulota kuvajungwangila vanavo.

Maono 20:4

Napanelo níndyona viteng'u vàikalenge avalá ve vavapéle madalaka akuukumu. Namomo kwona ungumi wa avalá vashindígwe kwamwaa waushuda umwe Yesu na walilove lya Nnungu. Vanavo havalipudídye kwalidimu na ata kulishinamu lyake, havakubalídye kuvikigwa numalu pashenye kwali munkono. Vovo vo, vandyújila kunama kutwala kutawala namu Klistu vyaka alupu imo.