Nshuwau 14:12 - Ibibiliya mu Shimakonde Imbodi Yaambi na dimbande dya Imbodi Yakala

¹² Ninkumwaulila mwiu mwiu doni, aijá ángukulupila nangu, vyangutenda avi nanae momo andatenda na vyakwanjadyeka kupunda avi, nae andatenda mwaa nangu mwanda kumwe Atata.

Nshuwau 14:12 交叉參考

Mateu 21:21

Yesu kushidoni, “Ninkumwaulila mwiu doni, mukavanavo likulupililo na mukanaambambidya, mundatenda i gweka vitandéke munnandi au. Ata lishinga ali apa mukalamulila doni, ‘Bubuka apa uke ukalijele mwimanga,’ vindatandakela momo.

Malukushi 11:13

Akone kwakushu nnandi uvéle mwankuju ùvele na mamba ake, nae kuka ndalola nakapanji andona shinu shoeshoe. Pavandike hagwene shinu ila akodidye mamba mwaa hauvele wakati wakupa vyepo.

Malukushi 16:17

Avalá valota kukulupila vandavanavo vimanyikilo avi: kwamwaa wangu nangu vandakumulanga majini, vandatangola dinangodi dyaambi,

Nshuwau 14:28

Mundigwa vyanimwaulidile kenga ninkuka na namwidila kavili. Leka mùngunagwaladidye, mukandipuwangila ing'ano yakuka nangu kumwe Atata mwaa nae ni nang'olo kungupunda nangu.

Nshuwau 16:7

Kanji napane ninkumwaulila mwiu uti doni, kudyanga nangu nguke mwaa ndikanauka, nkúpambadyanga jo hamwidila; nangu ndikauka, nantumidya nae.

Nshuwau 4:37

Kwaing'ano ai shitangaléka sho shiu, ‘Nkúpanda junji na nkúpuna junji.’

Nshuwau 5:20

Mwaa Tatamunu ankunnagwaledya Mwanamunu na ankunnodya kula shinu shatenda jo mwene, ata mpaka anannodya vinu vyakupunda avi pakulota mwenu po mushange.

Nshuwau 7:33

Yesu kutwala kuvaulila doni, “Ndapagwa kavili namu mwenu muwakati padyoko, kutwala apo ndauma kuujila kumwe aijá ángutumididye.

Nshuwau 7:39

Napane nae ashimwamba Imumu áshilota vampate avalá vankulupidíle mwaa muwakati awo Imumu jo vavele vakanava kumpata kwoda Yesu avele akanava kupata lishangelo.

Vitendo 10:46

mwaa vanavo vashindavaigwa vamidi avalá vatangola dinangodi dyakutikinikanga na vantumbyanga Nnungu. Patulu kutwala kushidoni,

Vitendo 16:18

Malove ala nae andítangola mumaduva oe kutwala kumwisho kwake Paulu kunnyatila; akashiliuka kumwaulila lijini jo doni, “Palina limwe Yesu Klistu ninkukulamulila, kuma mumili mwamwali aju!” Lijini kuuminneu.

Vitendo 19:12

mpaka vanu kutwala malesho pamo na dinguvo dye dikumbíle likalogwe limwe Paulu kuka ndavakwaa valwele kutwala vanavo vilwele vyo kupona na majini aukalau momo kuumananga mumili.

Vitendo 2:33

Nae pavankwadidye vammika kunkanakono kwake Nnungu na pampatile Imumu Wanashwe walivikidile Tatamunu, andimiminila uti avi vyamwona na vyamwigwa.

Vitendo 2:41

Napanelo vanu avalá vapakadíle lilove lyake vandípata ubatisho; muliduva alyo vandílyunganianga kwavakwoda vanu vakuwikila shikonda shavanu dyalupu nnatu.

Vitendo 4:16

vaashidoni, “Da vanu ava apa tuvatandele mwashi? Mwaa kula muyelusalemu andimanya ngala kenga shimanyikilo ashi shakushanganiya, vatandadidyé vanavo na ata wetu shitendo ashi hatukania.

Vitendo 4:33

Vamyombe vashindataa ushuda na dimongo namene ing'ano yakudyuka kwake Umu Yesu na umonyo ukumene ushindapagwa na vanavo.

Vitendo 4:4

Kanji vanu voe pakati pave vaigwíte lilove, vandíkulupila. Vanu avo vandíwikila shikonda shavalume kenga dyalupu mwanu doni.

Vitendo 5:15

Kwodana na vitendo avyo, venentete vashindavaumya valwele muding'ande kuka ndavaladya mudigoli na mmakande kulangele pakulota Patulu papita kananga shimbedi vela ashi shiviinikidye.

Vitendo 6:7

Nadoni lilove lya Nnungu lishindaandavala; pa Yelusalemu vakwoda vashindaanjandyeka na vakulangalalela-shadaka voe vashindaigwilila likulupililo.

Vitendo 8:7

mwaa vanu vavénavo majini mashapu, anavo ashindauma mumili mwave akuta namene na vakudidimanga madodo pamo na vakukwava vashindapona.

Vitendo 9:34

kutwala Patulu kumwaulila doni, “Eniyashi! Yesu Klistu ankukuponia. Takatuka upindange litandiko lyako!” Eniyashi kutakatukinneu.

Vitendo 9:40

Patulu napane akavaumadyanga vanu uti mushumba mo akaguguvala kushwali, akashiliuka kulola mili kutwala kushidoni, “Tabita, takatuka!” Bai Tabita andíng'amula mevo kunnola Patulu kutwala kutakatuka kwikala.

Valoma 15:19

kwadimongo dyavimanyikilo na vyakutikinikanga, kwadimongo dya Imumu wa Nnungu. Nadoni kwangu nangu apa, kutunduvangila pa Yelusalemu na indila uti mpaka ku Ililiku ndivalanganga ngala ntenga wambone umwe Klistu.