Nshuwau 11:55 - Ibibiliya mu Shimakonde Imbodi Yaambi na dimbande dya Imbodi Yakala

⁵⁵ Napanelo Pasaka yavayuda ishindavandikanga. Vanu voe vaisemu ayo, Pasaka ikanava kuwika vandyúka ku Yelusalemu ndalyushanianga ushapu.

Nshuwau 11:55 交叉參考

Mateu 26:1

Napanelo Yesu akamalile kutangola malove ala uti, andívaulila vakwoda vake kushidoni,

Mateu 26:2

“Mwenu mundimanya kenga andibakila maduva mavili pakulota kuwika Pasaka. Mwana Wamunu vanankamudya kwavanu pakulota vankamele panshalaba.”

Malukushi 14:1

Akuno àbakidile maduva mavili pakulota kuwika Pasaka na shikukulu shamagung'u ákavele nkukumuku, vanang'olo vavakulangalalela-shadaka na vamwalimu vadishaliya vashindalambela dindila dyakushang'apa pakulota vankamule Yesu vammyae.

Lukashi 22:1

Napanelo shikukulu shamagung'u ákave nkukumuku shavashishema Pasaka, shishindavandikanga.

Nshuwau 12:1

Napanelo àbakidile maduva sita kuwika Pasaka, Yesu andíwika pa Betaniya likaja lyashinama Lashalu aijá wandyuwídye pakati pavakupela.

Nshuwau 13:1

Napanelo shikukulu sha Pasaka shikanava kuwika, Yesu àmanyite kenga wakati wake wakuma mushilambo ashi kuka kwatatake undiwika, namomo pakuva andívanagwaledya vake mushilambo, andívanagwaledya mpaka kumwisho.

Nshuwau 18:28

Kavili vayuda vandímumya Yesu paing'ande imwe Kaipashi kumuukanavo kumwe gavana. Wakati wene wo uvele lyamba linyeiku, napane vanavo pavakalota kulitaa udagwa, havainjidíle nng'ande vajopa pakulota vaulule kulya Pasaka.

Nshuwau 2:13

Napanelo shìvandikenge shikukulu sha Pasaka shavayuda, Yesu andyámboka kuka ku Yelusalemu.

Nshuwau 2:6

Napanelo popo po, vindípagwa vilongo sita vyamajanga vyavashitaa medi kwakwodananavo kulyushanianga ushapu kwavayuda. Kula shilongo shishindainjila malitulu akuwikila kenga miya doni.

Nshuwau 5:1

Ling'oto lyavinu avyo, shindípagwa shikukulu shavayuda na Yesu andyámboka kuka ku Yelusalemu.

Nshuwau 6:4

Napanelo shikukulu sha Pasaka shavayuda shishindavandikanga.

Vitendo 21:24

Napavedoni wako lyunganiange na vanavo utende pamo shimadengo shakulyushanianga ushapu na gwegwe ulipile njuluku shimadengo asho na ling'oto vanavo vandabubuligwa ugwimbo wave; nadoni, vanu uti vandamanya kenga uti vyavashiigwanga vakwamba wako ni vyaushwang'a mwaa valota kwona kenga nawako momo mpaka ambi unkwodedya Lilamulo lyake Musha.

Vitendo 21:26

Bai mwiu Paulu palyamba lyake andívatwala vanu avalá kuka ndalyushanianganavo ushapu; ling'oto andyúka ndainjila mwing'ande ya Nnungu ndavalanganga liduva lyakumalila vanu avo kulyushanianga ushapu na kuvalanganga shadaka shíshiloteka vantandele kula munu pakati pave.

Vitendo 24:18

Panishitenda vinu avyo, vayuda va ku Ashiya kutwala kungukodya mwing'ande ya Nnungu kanji ngùlyushanienge kala ushapu; pashinu apo haipagwíte imbumba yavanu na haupagwíte upuju.

I Vakolintu 11:28

Napavedoni kula munu alilalyange jo mwene ling'oto alye ligung'u na akumbilile shikombe.

Tiyagu 4:8

mmandike Nnungu, nanae momo anammandika! Tadya makono enu atakate mwenu mmakutega, mwemwe múvenavo makumbukililo auju kuvili, ushanianga ushapu mmitima vyenu.