Nshuwau 10:3 - Ibibiliya mu Shimakonde Imbodi Yaambi na dimbande dya Imbodi Yakala

³ Aijá munu wapannango, anánshimulila nnango kutwala vangandolo kwigwa lidi lyake. Napane vangandolo vake vo, kula ngandolo nae anánshema na lina lyake kutwala kuvaumidya panda kuvalangalalela.

Nshuwau 10:3 交叉參考

Nshuwau 10:14

“Nangu ni Nkúshunga Wambone; vangandolo vangu ninkuvamanya na vo vangu vo, vankungumanya

Nshuwau 10:16

Ninkuvanavo vangandolo vanji vákavele vamulingongo ali; vovo vo ininguvaikila ndivatwale, vanavo lidi lyangu vandaigwa, vandapagwa shipinga shimo na nkúshunga jumo.

Nshuwau 10:4

Nae panavaumya panda avalá vangandolo vake uti, mwene andálangalela kutwala vangandolo vake vo kumwoda mwaa lidi lyake vankumanya.

Nshuwau 10:9

Nangu ni nnango; munu woewoe akainjilila kwangu, andaambwalegwa. Nae andainjila, andauma na andakodya udani wambone.

Nshuwau 6:37

Kula munu wangupa Atata andaida kwangu na aijá áida kwangu nangu, mwiko haninkumulanga.

Nshuwau 6:45

Mumabuku avakulava vandyandika doni, ‘Vanavo uti vandava vakupundishigwa na Nnungu.’ Nadoni kula munu ámwigwite Atata na álipundishidye kwake nae ankwida kwangu nangu.

Valoma 8:30

Doni, avalá vávapangidile kaladavo, vovo vo andivashema na vo vávashamile vo, andivavalangilila ishaliya na vo vávavalangangilidile ishaliya vo, nae andivapa lishangelo.

I Vakolintu 16:9

pakuva nnango ukumene vaningushimulila pakulota ngutende madengo apaida na vammongo vangu vavelé voe.

Vapilipo 4:3

Mwiu, namomo ninkukujugwa wako unyangu wakukulupilika nguushidoni, vapwashele vamama ava. Vanavo vandilyuvyauvyanga namu nangu muntenga wambone pamo namu Kalamende na vamadengomwangu vabakadíle vo. Mena ave ankupagwa mulibuku lyashingumi.

Vakoloshu 4:3

mutushwalidya wetu momo pakulota Nnungu atuungulile nnango kwalilove tuvalangange shipii shimwe Klistu ashilá shitadídye nangu nguungwe.

II Timoti 2:19

Napane shitunduvangilo shakunanopa sha Nnungu shinkuka mushu shipagwa shivanavo namakong'o aju, “Umu ankuvamanya avalá vake,” na, “Woewoe átambulanga lina limwe Umu aapukanangenavo ungave-shaliya uti.”

I Patulu 1:12

Kwavanavo, indyunukuligwa kenga vashindatumika i kwapaida yavo vo vene ila yenu mwenu kwamwaa wavinu vyamulipundishidye kwa avalá vavalangénge ntenga wambone kwaindila ya Imumu Wanashwe átumigwe kwalakela kuwa. Mwe, ata mpaka vo vanjelo vankuvanavo mweshe namene wakupandalela vinu avyo.

I Nshuwau 4:6

Kanji wetu apa ni tuvake Nnungu na aijá ámmanyite Nnungu ankutwigwilila, aijá ákavele wa Nnungu hanatwigwilila shinu. Nadoni tunkummanya Imumu waumwiu na imumu wakuduwanga.

III Nshuwau 1:14

mwaa ninkulindila ngwide shipajelo. Bai apo, tundaambanga mwaa ing'ope kwaing'ope.

Maono 20:15

Napane aijá líkaaneke lina lyake mulibuku lyashingumi, andíjalegwa mulitanda lyamoto.

Maono 3:20

Lola, ndiimila pannango ninkundandonda lwidi. Ikava kenga munu anaigwa lidi lyangu na kushimula, mwiu nangu ndainjila nng'ande mwake na ndalyanavo pamo.

Maono 7:17

Mwaa Ngandolo ávele shing'ati shiteng'u andavashunga na andavaukanavo papandukenge medi ashingumi na Nnungu andavapukutanga myodi uti kumevo kwave.”