39 Nae do, “Ida mulole!” Bai vanavo vandyúka na vandyóna lyutu lyawikidíle kutwala kwikanavo mpaka kudimba liduva. Wakati wene wo uvele wakati wasakumi yalyulo.
kanji vanavo vanínkanyilidya aikale vaashidoni, “Pagwa namu wetu popo apa mwaa liduva lindishwa.” Bai Yesu andíinjila nkaja kutwala kwikanavo.
Yesu akavona vakwoda vake Nshuwau avalá vamwoda nae kuvaudya, “Mulambela nyamani?” Vanavo, “Labi,” (Labi, kwakuvalangangila, Mwalimu), “da uwikidilé kwashi?”
Pakati pavanu avo vavili vamwigwíte Nshuwau atangola na vamwodíle Yesu, jumo avele Andaleya nung'une Simoni Patulu.
Kutwala Nataniyele kumudya Pilipo doni, “Ku Nashaleti kunkuululika kwaloka shinu shambone?” Pilipo kushidoni, “Ida ulole.”
Napanelo pavamuukidile Yesu vashamaliya avalá, vanínjugwa vaikalenavo, nae kwikala kwanavo maduva mavili
Kula munu wangupa Atata andaida kwangu na aijá áida kwangu nangu, mwiko haninkumulanga.
Lola, ndiimila pannango ninkundandonda lwidi. Ikava kenga munu anaigwa lidi lyangu na kushimula, mwiu nangu ndainjila nng'ande mwake na ndalyanavo pamo.
