Maono 11:1 - Ibibiliya mu Shimakonde Imbodi Yaambi na dimbande dya Imbodi Yakala

¹ Napanelo vaníngupa lupambai luvéle mwannandi wavanapimila kutwala kungwaulila doni, “Takatuka ukapime ing'ande yake Nnungu, alutali na uvavalange vanu valipúdya nng'ande mo.

Maono 11:1 交叉參考

Maono 21:15

Njelo áshitangola namu nangu aijá, andívanavo nnandi washipimo wavakandyenge na shaabu pakulota apime njini, milango vyake pamo na lishiti.

I Patulu 2:5

namwenu momo kenga majanga mangumi, munkudangegwa ing'ande yaimumu pakulota muve unashilangola wakwilimyanga wakupalakedya shadaka kwambangidya mumye shadaka shaimumu shikubalíka namu Nnungu kwaindila imwe Yesu Klistu.

I Patulu 2:9

Kanji napane mwenu ni likola litandalagwídye, unashilangola washiumu wakupalakedya shadaka, venentete vakwilimyanga, venentete vake jo mwene kwambangidya muvalangange ukumene wake aijá ánshamile mushii muke kulilangadyo lyake lyamakango.

II Vakolintu 6:16

Da lipagwité lyunganilo shani pakati paing'ande ya Nnungu na vannungu vakushang'apa? Mwaa wetu ni ing'ande ya Nnungu mumi. Kenga mwatangalela Nnungu, “Ndatenga lyutu kwavanavo ndawena pakati pave, nangu ndava Nnungu wave, vanavo vandava venentete vangu.”

Maono 10:11

Napane vaníngwaulila doni, “Indikuvaikila ulave kavili kwamwaa wavenentete voe, vilambo, dinangodi pamo na vaumu.”