I Nshuwau 4:7 - Ibibiliya mu Shimakonde Imbodi Yaambi na dimbande dya Imbodi Yakala

⁷ Mmakunagwaleka, tunagwaladyanie mwaa linagwaledyo linkwaloka kwa Nnungu; kula munu ávenavo linagwaledyo, ajo andivalekwa kwaindila ya Nnungu na ankummanya Nnungu.

I Nshuwau 4:7 交叉參考

Nshuwau 13:34

Ninkumupa lilamulo lyaambi; nagwaladyania. Mo mwaninnagwaladidye nangu mwenu, namwenu momo nagwaladyania.

Nshuwau 17:3

Shingumi shíkamalilika sho ni ashi, vakumanye wako kuva Nnungu wiu úvele jumo jojo na vammanye aijá wauntumididye, Yesu Klistu.

I Vakolintu 8:3

Napane munu akannagwaledya Nnungu, ajo andimanyika namu Nnungu.

II Vakolintu 4:6

Doni, Nnungu átangwele, “Kushii lipagwe lilangadyo,” ni jojo álangadidye mmitima vyetu pakulota kutwing'a lilangadyo lyalimanyilo lyalishangelo lyake Nnungu mwing'ope imwe Klistu.

Vagalata 4:9

kanji napane pamummanyite Nnungu apa, kwali tuushidoni mundimanyika na Nnungu, mwaa shani munkuujila kumavalelo lolo akudabadabanga na ákave lyululilo? Da mulota mutandegwe kavili mmatumwa?

Vagalata 5:22

Kanji napane mapuno a Imumu ni linagwaledyo, lipuwilo, amani, kupililila, kutanana, wambone, kukulupilika,

II Timoti 1:7

Mwaa Nnungu anditupa Imumu i yakujopa kanji yadimongo, yalinagwaledyo na yakulimaladya.

I Patulu 1:22

Napanelo pamulyushanienge ushapu muungumi wenu kwaindila yakwigwilila umwiu mutadya kupagwa mulinagwaledyo lyashinung'unumunu líkave shinankulaba, bai nagwaladyania kwabila kudabadabanga kwantima úkave ushapu.

I Nshuwau 2:10

Aijá ánnagwaledya nung'unumunu ankupagwa mulilangadyo na nkati mwake hashipali shakuntadya alikuvale.

I Nshuwau 2:29

Kwoda mwenu mundimanya kenga nae ni waishaliya namomo manya doni uti vanatandedya vyaishaliya vandivalekwa kwaindila yake.

I Nshuwau 2:3

Namomo tundimanya kenga tunkummanya nae patwigwilila malamulo ake.

I Nshuwau 2:4

Aijá aashidoni, “nangu nae nimmanya” kanji pakaigwilila malamulo ake, nshwang'a na kwake nae umwiu haupali

I Nshuwau 2:7

Mmakunagwaleka! Haninamwandikila shinu lilamulo lyaambi kanji lilamulo lyakala, lyo lyamuvénavo kunantandi; lilamulo alyo lyakala ni wo ntenga wamwigwite.

I Nshuwau 3:9

Kula ávalakwadidye kwaindila ya Nnungu hanatenda shimadambi mwaa ankuvanavo mavalelo ake Nnungu nkati mwake; haulula kutenda shimadambi mwaa andivalekwa kwaindila ya Nnungu.

I Nshuwau 4:11

Mmakunagwaleka, pakuva Nnungu anditunnagwaledya davo, nawetu momo indivaikila tunagwaladyanie.

I Nshuwau 4:12

Hapali ata munu jumo ángwene Nnungu; wetu tukanagwaladyania, Nnungu ankupagwa nkati mwetu na linagwaledyo lyake linkuwikila popo nkati mwetu.

I Nshuwau 4:16

Wetu tundimanya na tunkukulupila linagwaledyo ali lyavenavo Nnungu kwetu wetu. Nae ni linagwaledyo na aijá ápagwa mulinagwaledyo alyo, ankupagwa nkati mwa Nnungu na Nnungu kupagwa nkati mwake nae.

I Nshuwau 4:20

Aijá áashidoni, “ninkunnagwaledya Nnungu” kanji ammangedya nung'unumunu, ajo nshwang'a mwaa aijá ákannagwaledya nung'unumunu wamwona hayululika kunnagwaledya Nnungu aijá wakangwene.

I Nshuwau 4:8

Aijá ákavenavo linagwaledyo, hammanyite Nnungu mwaa Nnungu ni linagwaledyo.

I Nshuwau 5:1

Kula ákulupila Yesu yakuva Klistu, ajo andivalekwa kwaindila ya Nnungu na kula ánnagwaledya nkúvaleka, namomo anánnagwaledya aijá wammaleke nkúvaleka ajo.

II Nshuwau 1:5

Nadoni nangu ninkukujugwa mama i do, ninkukwandikila lilamulo lyaambi kanji alilá lyatuvenavo tangu kunantandi: doni, tunagwaladyanie.