22 Тэ аддзан, мый сылӧн эскӧмыс вӧлі йитчӧма уджъяскӧд, а уджыс пыр сылӧн эскӧмыс лои тыр-бурӧн.
Андел шуис: «Эн лэпты китӧ пиыд вылӧ, эн вӧрӧд сійӧс. Ӧні ме тӧда, мый тэ полан Енмысь. Тэ вӧлін дась весиг ассьыд ӧтка питӧ сетны Енлы».
Исус вочавидзис: «Эскӧй Енсянь Мӧдӧдӧмалы. Тайӧ шогмана Енмыслы».
Тэ кӧ Исус Кристос пытшкын, вундыштчӧмыд-ӧ, абу-ӧ вундыштчӧмыд – тайӧ нинӧм оз сет. Колана сӧмын муслуна эскӧм.
Ен Батьным водзын ми век казьтывлам тіянлысь мырсьӧм-уджалӧмнытӧ да сьӧкыд нуӧмнытӧ. Ті эскӧмӧн да радейтӧмӧн уджнытӧ вӧчанныд, сьӧкыдсӧ нуанныд миян Господь Исус Кристос вылӧ лача кутӧмӧн.
Дерт, кодкӧ вермас шуны: «Ӧтилӧн эм эскӧм, а мӧдлӧн – уджъяс». Сылы тадзи вочавидза: «Петкӧдлы ассьыд эскӧмтӧ уджъястӧгыд, а ме петкӧдла ассьым эскӧмӧс уджъяс пыр».
Коді олӧ Сылӧн кывйыс серти, сы пытшкын збыльысь Енлӧн муслуныс воӧма тыр-бурӧдз. Та серти тӧдам, мый ми Сы пытшкынӧсь.
