1 Ме аддзи енэжсянь лэччысь анделӧс. Киас сійӧ кутіс пыдӧстӧминысь восьтансӧ да ыджыд чеп.
Пеж ловъяс корисны Исусӧс, мед эз ысты найӧс пыдӧстӧминӧ.
Мыжӧ усьӧм анделъясӧс Енмыс эз видз, а шыбитіс пемыд адӧ да дорис мыждан лунӧдз.
Анделъясӧс, кодъяс эз донъявны ассьыныс ыджыдалан вынсӧ да эновтісны енэжвывса оланінсӧ, Господь пыр кежлӧ дорис чептӧн да видзӧ сап пемыдас ыджыд мыждан лун кежлӧ.
Ме ловъя. Ме вӧлі кулӧма, но ӧні ловъя нэмъяс чӧж. Аминь. Менам киын адысь да кулӧмысь восьтаныс.
Ме аддзи нӧшта ӧти вына анделӧс, коді лэччис енэжсяньыс. Сійӧс кытшаліс кымӧр, юр весьтас вӧлі ӧшкамӧшка. Сылӧн чужӧмыс вӧлі шонді кодь, а кокыс вӧлі биа сюръяяс кодьӧсь.
Та бӧрын ме аддзи нӧшта ӧти анделӧс, коді лэччис енэжсяньыс. Сылӧн вӧлі ыджыд вын, и муыс ставнас югдіс сылӧн дзирдлунысь.
Андел шыбитіс сійӧс пыдӧстӧминӧ да йигналіс сэтчӧ. А петанінсӧ тупкис печатьӧн, медым гундыр эз пет да эз ылӧдлы войтыръясӧс, кытчӧдз оз помась сюрс воыс. Та бӧрти сійӧс лоӧ лэдзӧма дженьыд кад кежлӧ.
