5 Сэсся Ен пуклӧссянь кыліс гӧлӧс шы: – Ошкӧй миян Енмӧс ставныд, Сылӧн кесйӧгъяс да Сыысь полысьяс, ичӧтъяс и гырысьяс!
Аллилуйя! Ошкӧй Господьлысь нимсӧ! Господьлӧн кесйӧгъяс, ошкӧй Сійӧс!
Ошкӧй Господьӧс, ӧд Сійӧ бур, Сылӧн буралӧмыс оз помасьлы.
Став ловъя олысьыс мед ошкас Господьӧс! Аллилуйя! Ошкӧм.
Мӧд зверыс тшӧктӧ пуктыны пас веськыд киас либӧ плешкас быдӧнлы – ичӧтлы и гырысьлы, озырлы и гӧльлы, мездлуна мортлы и кесйӧглы.
Сизимӧд анделыс кисьтіс ассьыс чашасӧ сынӧдас. Сэки енэжвыв крамысь, юралан пуклӧс дінысь, кыліс гора гӧлӧс шы: «Ставсӧ вӧчӧма!»
Ті кутанныд сёйны шойяссӧ ӧксыяслысь, тышкайӧзӧн веськӧдлысьяслысь, юралысьяслысь, вӧвъяслысь, верзьӧмаяслысь да став йӧзыслысь: мездлуна йӧзлысь и кесйӧгъяслысь, ичӧтлысь и гырысьлысь».
Ме аддзи гырысь да ичӧт кулӧмаясӧс, найӧ сулалісны Ен водзын. Сэні вӧліны восьса небӧгъяс. Сэсся восьтісны нӧшта ӧти небӧг – Олӧмыслысь небӧг. Кулӧмаясӧс мыждісны налӧн уджъясныс серти, мый вӧлі гижӧма небӧгъясас.
Та вӧсна найӧ сулалӧны Ен пуклӧс водзын, лун и вой кесъялӧны Енмыслы Сылӧн крамын. Юралан пуклӧсын Пукалысьыс лоӧ накӧд да видзӧ найӧс.
