6 Сылӧн шуйга киыс менам юр улын, веськыд кинас сійӧ кутлӧ менӧ.
Вылӧ пукты мывкыдлунсӧ, и сійӧ кыпӧдас тэнӧ, сибӧд мывкыдлунсӧ, и сійӧ нимӧдас тэнӧ.
Газель да лань водзын кыв сетӧй, ерусалимса нывъяс, мый онӧ садьмӧдӧй муслунсӧ кадысь водз. (Мукӧдъяс:)
Ме кута нимкодьпырысь вӧчны налы бурсӧ, Ме зумыда вужйӧда найӧс тайӧ муас, и вӧча тайӧс став сьӧлӧмсянь.
Господь, тэнад Енмыд, тэ пӧвстын, Сійӧ вына мездыны тэнӧ. Тэ вӧсна Сійӧ кутас долыда нимкодясьны, кыпыда гажӧдчыны. Сійӧ лоӧ бур сьӧлӧма тэ дінӧ, ӧд тэ Сылы муса.
Верӧспуӧн шуӧны сійӧс, кодлӧн эм гӧтырпу. Верӧспулӧн ёртыс орччӧн сулалӧ да нимкодясьӧмӧн кывзӧ сылысь сёрнисӧ. Ме тшӧтш тадзи нимкодяся, и менам нимкодьлунӧй помтӧм-дортӧм.
