6 Радейтысьлӧн янӧдӧмыс веськыд, мустӧмтысьлӧн окыштӧмыс ылӧг.
Ме шыася Господь дінӧ, шуа, мый Тэ – менам сайӧдчаніныс, менам пайыс ловъяяслӧн му вылын.
Лӧгалӧмсӧ дзебысь пӧръясьӧ, суклясьӧмсӧ паськӧдысь – вежӧртӧм.
Нӧйтӧм-ньӧръялӧмыд торйӧдӧ лёксьыс, дойясыд весалӧны сьӧлӧмтӧ.
Коді пӧт, сылы весиг маыд мустӧм, но коді тшыг, сылы и курыдыс юмов кажитчӧ.
Мортыд бӧрыннас пыдди пуктас сійӧс ӧлӧдысьӧс, а оз кывнас мавтыштысьӧс.
Мувывса батьяс чирыштлісны миянӧс ас кӧсйӧм сертиныс регыдик кад кежлӧ, а Енмыс чирыштӧ миянӧс бур вылӧ, медым вӧлім Сы кодь вежаӧсь.
Коді муса Меным, сійӧс ме янӧда-чирышта. Сідзкӧ, сьӧлӧмсяньыд зіль бергӧдчыны мыжъяссьыд!
