30 Ме муні дыш мортлӧн му бокті, вежӧртӧм мортлӧн виноград йӧр пӧлӧн
Ме тэныд гӧгӧрвоӧда, а тэ кывзы, висьтала тэныд, мый аддзылі,
Ме аддзылі, мый лёксӧ гӧрысьяс да шогсӧ кӧдзысьяс асьныс вундӧны лёксӧ да шогсӧ.
Ставсӧ тайӧс ми тӧдмалім-туялім, ставыс тадзи и эм. Кывзы тайӧс да велӧдчы.
Вежӧра мортлӧн вомас мывкыдлун, вежӧртӧмлы мышкуас ньӧр инмӧ.
Му вӧдитысь оз кут тшыгъявны, абутӧмсӧ кыйӧдысь – вежӧртӧм морт. [Коді кадсӧ коллялӧ вина бӧрся вӧтлысьӧмӧн, янӧдӧ ассьыс керкасӧ.]
Дыш морт унатор кӧсйӧ, но весьшӧрӧ, зіль мортлӧн кӧсйӧмыс збыльмӧ.
Йӧз гӧтыркӧд кырсалысь воштӧма вежӧрсӧ, кырсалӧмнас сійӧ ассьыс ловсӧ виӧ.
Дышлӧн йиркыс ӧшалӧ, кисӧ сюркнялӧмӧн пукалысьлӧн керка вевтыс письтӧ.
Быдторсӧ ме аддзылі аслам весьшӧрӧ олан лунъясӧ: веськыда олысь веськыдлунас кулӧ, лёк вӧчысь лёкас дыр олӧ.
