12 Ассьыд сьӧлӧмтӧ велӧдӧмлань бергӧд, ассьыд пельтӧ тӧдӧмлунлань чошкӧд.
Копырт пельтӧ да кывзы мывкыд йӧзлысь кывъяссӧ, бергӧд сьӧлӧмтӧ менам тӧдӧмлунлань.
ӧд найӧс Дорйысьыс вына, Сійӧ доръяс найӧс, а тэныд паныд сувтас.
Питӧ чирышттӧг эн коль, ньӧръялӧмысь сійӧ оз кув.
Кывзы, пиӧй, мывкыдсяв, веськыд туй вылӧ бергӧд сьӧлӧмтӧ.
Менам войтырӧй чукӧртчӧ тэ дінӧ, пуксьӧ тэ водзӧ да кывзӧ тэнсьыд кывъястӧ, но на серти оз ов. Найӧ мичаа сёрнитӧны, но сьӧлӧмпытшса кӧсйӧмныс – ылӧдлӧмӧн озырмӧдчыны.
Исус шуис налы: «Индӧдӧ велӧдысь, коді тӧдӧ Енэжвыв Юралӧмсӧ, керка кутысь кодь, коді аслас видзанінысь выльсӧ и важсӧ петкӧдӧ».
