2 Озыр да гӧль морт ӧткодьӧсь, кыкнаннысӧ Господь вӧчӧма.
Ӧд Сійӧ, коді артмӧдіс менӧ мам кынӧмын, артмӧдіс тшӧтш менсьым кесйӧгъясӧс. Ми – ӧти Енлӧн вӧчӧмторъяс.
Сійӧ оз сулав юралысьяс дор, озырӧс оз пукты гӧль дорысь вылӧджык, ӧд ставныс найӧ – Сылӧн вӧчӧмторъяс.
Коді дзескӧдӧ коньӧрӧс – омӧльтӧ сійӧс Вӧчысьӧс, коді бурӧ пуктӧ Енсӧ – отсалӧ гӧльяслы.
Дзескӧдысь да гӧль морт ӧткодьӧсь, кыкнанныслы Господь югыдсӧ сетӧма.
Син оз вермы шуны килы: «Тэ меным ковтӧм». Юр оз вермы шуны коклы: «Тэ меным ковтӧм».
Господь гӧльмӧдӧ и озырмӧдӧ, улӧ пуктӧ и вылӧ кыпӧдӧ.
