18 Тэныд нимкодь лоас, менсьым тӧдӧмлунӧс кӧ видзан сьӧлӧмад, мывкыд кывъясӧн кӧ кутан сёрнитны.
Господьӧй, мезды ӧксыӧс! Кор шыасям Тэ дінӧ, вочавидз миянлы!
Вежӧра мортлӧн вомас мывкыдлун, вежӧртӧмлы мышкуас ньӧр инмӧ.
Веськыда олысьлӧн кывйыс унаӧс вердӧ, мывкыдтӧмъяс куласны вежӧртӧмлунныс вӧсна.
Мывкыд мортыд сёрнинас тӧдӧмлун паськӧдӧ, вежӧртӧмыд – оз.
Мывкыд сьӧлӧмаӧс вежӧра мортӧн шуӧны, бур кывъясӧн велӧдӧмыд вына.
Мывкыдлуныс овмӧдчас сьӧлӧмад, тӧдӧмлуныс долыдмӧдас ловтӧ.
Талун ме велӧда тэнӧ, медым Господь вылӧ лачатӧ кутін.
Ас кадӧ шуӧм кывйыд быттьӧ эзысь тасьтіын зарни яблӧг.
Туйясыс сылӧн бурӧсь, ордымъясыс сылӧн лӧсьыдӧсь.
Пиӧй, кывзы менсьым кывъясӧс, менам сёрнилань бергӧд пельтӧ.
Эн вешты кывъясӧс син водзсьыд, видз найӧс сьӧлӧмад,
Кывзӧй, ӧд ме висьтала коланасӧ, менам вомӧй сёрнитӧ веськыда.
Кор Тэсянь воисны кывъяс, ме пӧткӧдчи наӧн, Тэнад кывъясыд вайисны меным нимкодьлун, найӧ гажӧдісны менсьым сьӧлӧмӧс, Господьӧй, Тэ – Ен Саваоф, а ме – Тэнад.
Поплӧн вомысь мед петас Ен йылысь тӧдӧмлуныс, сысянь йӧзыс виччысьӧны велӧдӧмсӧ, сійӧ ӧд Господь Саваофсянь юӧр вайысьыс.
Коді эскӧ Меным, сылӧн пытшкӧссьыс визувтасны ловъя валӧн юяс. Тадзи висьталӧ Гижӧдыс».
Сідзкӧ, Исус пыр кутам дугдывтӧг вайны Енлы аттьӧалана вись, асланым вомӧн кутам ошкыны Сылысь нимсӧ.
