12 Веськыда олысь аддзӧ, кыдзи лёк вӧчысь олӧ аслас керкаын, и кыдзи лёк вӧчысьӧс лоӧ бырӧдӧма.
Ковтысысь каръяссӧ бырӧдігӧн Ен эз вунӧд Ӧвраамӧс, и отсаліс Лотлы петны бырӧдан карысь, кӧні сійӧ оліс.
Ме аддзылі, мый мывкыдтӧм вужъясис, но сылӧн керка вылӧ виччысьтӧг усис ёрӧм.
Сійӧ мыджсьӧ аслас овмӧс вылӧ, но овмӧсыс киссьӧ, кутчысьӧ озырлунас, но озырлуныс ылӧдлӧ.
Мыйла оз мывкыдсявны лёксӧ вӧчысьяс? Найӧ нянь моз сёйӧны менсьым войтырӧс, оз шыасьны Ен дінӧ.
Сӧстӧм сьӧлӧмаӧс веськыдлуныс видзӧ, а мыжаӧс пежыс виӧ.
Лёк вӧчысьлӧн керкаыс киссяс, веськыда олысьлӧн – кутас дзоридзавны.
Лёк вӧчысь аслас лёклуныс вӧсна усьӧ, веськыда олысьлӧн весиг кулігас лачаыс лоӧ.
Лёк вӧчысьыс кор уна, мыж вӧчӧмыс содӧ, но веськыда олысьяс аддзасны налысь усьӧмсӧ.
Ефрем, Менӧ-ӧ тэ ӧткодялан идолъяскӧд? Ме кыла тэнӧ да вочавидза тэныд, Ме тӧждыся тэ вӧсна. Ме лоа тэныд веж кипарисӧн, Месянь лоӧ тэнад вотӧсыд.
Содом да Гомора каръяслы моз Ме вайи тіян пӧвстӧ бырӧдӧм, и ті лоинныд биысь перйӧм сэрапом кодьӧсь. Но ті энӧ бергӧдчӧй Ме дінӧ, – висьталӧ Господь. –
Но унджыкыс на пиысь эз шогмыны Енмыслы да кулісны овтӧминын.
