15 Шудтӧм мортлӧн став олан луныс шогӧн тырӧма, долыд сьӧлӧмалы быд лун гажа.
Ныв-пиыс чукӧртчисны бурӧдны сійӧс, но сійӧ эз сибӧд бурӧдӧмсӧ, а шуис: «Шог сьӧлӧмӧн ме вуджа кулӧмаяслӧн оланінӧ пиӧй дінӧ». Тадзи бӧрдіс батьыс Ӧсип вӧсна.
Яков вочавидзис: «Сё комын во ме ола-ветлӧдла му вылас. Тайӧ абу на дыр. Менам батьяс дырджык на олісны. А менам олан лунъясӧй дженьыдӧсь да шогӧн тырӧмаӧсь».
Сьӧлӧмыд кӧ долыд, чужӧмыд югыд, сьӧлӧмыд кӧ шогалӧ, лолыд нюкыртчӧ.
Вежӧра мортлӧн сьӧлӧмыс тӧдӧмлун корсьӧ, вежӧртӧм сӧмын йӧйталӧмнас пӧткӧдчӧ.
Ыджыд озырлун да майшасьӧм дорысь бурджык этшаникыс да Господьысь полӧм.
Мывкыд мортлы вежӧрыс вайӧ олӧм, вежӧртӧмлы велӧдчӧмыс – йӧйталӧм.
Долыд сьӧлӧмыд бурдӧдӧ, нюкыртчӧм лолыд лыястӧ косьтӧ.
Войшӧрнас Павел да Сила сьылісны да кевмысисны Енлы. Мукӧд пукалысьяс кывзісны найӧс.
Лачанытӧ кутӧй нимкодьпырысь, шогъястӧ нуӧй терпитӧмӧн, дугдывтӧг кевмысьӧй.
Но тайӧ абу на ставыс. Ми нимкодясям нӧшта Енмӧн, ӧд Исус Кристос Господьным пыр миян эм Енкӧд бурасьӧм.
Ми ошйысям, мый тайӧ муюгыдас олысьяскӧд, торйӧн нин тіянкӧд, вӧлім восьсаӧсь да веськыдӧсь, олім Енлысь кывзысьӧмӧн. Та вӧсна миян сьӧлӧмным оз мыжды миянӧс. Ми ӧд эгӧ асланым мывкыд серти олӧй, миянӧн веськӧдліс Енлӧн буралӧмыс.
Ми уна нуам Кристослысь сьӧкыдсӧ, но та дырйи ми уна и босьтам Кристоссянь бурӧдӧмсӧ.
Миянӧс шогӧ вӧйтӧны, а ми пыр нимкодясям. Ми гӧльӧсь, но унаӧс озырмӧдам. Миян нинӧм абу, но ставыс эм.
Мӧдарӧ, нимкодясьӧй, ӧд ті тшӧтш нуанныд Кристослысь сьӧкыдсӧ. Сэки Кристослӧн дзирдлуныс воссигӧн ті кутанныд ёна нимкодясьны.
