16 Вежӧртӧм мортыд дзик пыр петкӧдлӧ скӧрмӧмсӧ, вежӧра мортыд яналӧмсӧ оз петкӧдлы.
Мывкыдтӧмӧс виӧ сылӧн скӧрлуныс, вежӧртӧмӧс – дӧзмӧмыс.
Лӧглуныд зык-вен чужтӧ, а муслуныд вевттьӧ став мыжсӧ.
Эскана морт збыльсӧ висьталӧ, наян морт пӧръясьӧ.
Мывкыдлуныс олӧ вежӧра сьӧлӧмын, но кӧсйӧ, медым и вежӧртӧм сы йылысь тӧдіс.
Мывкыд мортлы вежӧрыс вайӧ олӧм, вежӧртӧмлы велӧдчӧмыс – йӧйталӧм.
Коді радейтӧ, сійӧ вунӧдӧ сылы шуӧм лёк кывъяссӧ, коді лёксӧ казьтылӧ, сійӧ воштӧ ассьыс ёртсӧ.
Коді оз сяммы асьсӧ кутны, сійӧ – стентӧг сулалысь киссьӧм кар кодь.
Изйыд сьӧкыд и лыаыд абу кокньыд, но вежӧртӧмлӧн дӧзмӧдӧмыс сьӧкыдджык на.
Вежӧртӧм морт став ассьыс скӧрлунсӧ ортсӧ кисьтӧ, а мывкыд морт кутчысьӧ скӧрмӧмысь.
Муса вокъяс, быдӧн мед лоӧ тэрыб кывзыны, но ньӧжмыд сёрнитны да скӧрмыны.
