20 Веськыда олысьлӧн кывйыс весалӧм эзысь кодь, лёк вӧчысьлӧн мӧвпъясыс грӧш ни дон оз сулавны.
Кор Господь [Ен] аддзис, мый мувывса йӧзлӧн олӧмыс тшыкӧма, и мый налӧн мӧвпъясыс да сьӧлӧм кӧсйӧмъясыс пыр лёкӧсь,
Висьпуктанінсянь чӧскыд ӧвтӧмнас лолалігӧн Господь [Ен] шуис Аслыс: «Ог кут сэсся ёрны мусӧ морт вӧсна. Мортлӧн мӧвпъясыс томсяньыс тырӧмаӧсь лёкнас, но водзӧ Ме ог кут бырӧдны став ловъя олысьсӧ, кыдзи Ме вӧчи.
Думышттӧг шуӧмыд шыпурт моз сатшкӧ, а мывкыд мортлӧн сёрниыс бурдӧдӧ.
Мелі сёрни олӧм вайӧ, а ылӧг сёрни ловтӧ жугӧдӧ.
Ӧксылы шогмана веськыда сёрнитысь, сылы муса збыльсӧ висьталысь.
Эм зарни, эмӧсь дона изъяс, но медся донаыс – мывкыд сёрни.
Сійӧ шуӧ, сёй пӧ да ю, а сьӧлӧмнас абу тэкӧд.
Менам вотӧсӧй сӧстӧм зарниысь бурджык, менам козинӧй весалӧм эзысь дорысь донаджык.
Мортлӧн сьӧлӧмыс наян, сійӧс он вермы вежнысӧ. Коді тӧдӧ мортлысь сьӧлӧмсӧ?
