Руфа 2:3 - Коми Библия 2023

³ Руфа локтіс вундысьяс дінӧ да пондіс ӧктыны на бӧрся усьласьӧм шепсӧ. Сійӧ, вӧлӧмкӧ, веськалӧма Воозлӧн видз-му вылӧ.

Руфа 2:3 交叉參考

Ӧксыяслӧн 2 небӧг 1:6

Юӧр вайысь шуис: «Ме локті Гелву керӧсӧ да аддзи доймалӧм Саулӧс. Сійӧ сулаліс шы вылас мыджсьӧмӧн. Тарантасъяс да верзьӧмаяс вӧлі матыстчӧны сылань.

Ӧксыяслӧн 2 небӧг 20:1

Вензьысьяс пӧвстын вӧлі Венямин чужанкотырысь Бикрилӧн Шевей пиыс. Сійӧ вӧлі лёк морт. Шевей букӧстіс буксанӧн да горӧдіс: «Давид миянлы некод! Ессей пикӧд миянӧс нинӧм оз йит! Израиль войтыр, мунӧй быдӧн асланыд чомйӧ!»

Ӧксыяслӧн 4 небӧг 8:5

Кор Гезий вӧлі висьталӧ, кыдзи Елисей ловзьӧдіс кулӧм мортӧс, ӧксы дінӧ локтіс сійӧ аньыс, кодлысь писӧ Елисей ловзьӧдіс. Ань корис ӧксылысь ассьыс мусӧ да керкасӧ. Гезий шуис: «Ӧксыӧй-ыджыдӧй, тайӧ – буретш сійӧ аньыс да сылӧн пиыс, кодӧс Елисей ловзьӧдіс».

Матвей 10:29

Оз-ӧ сӧмын ӧти урысь вузавны кык пышкайӧс? На пиысь весиг ӧти оз усь муӧ тіян Батьлӧн шутӧг.

Лука 10:31

Сійӧ туйӧдыс мунас поп, казялас нӧйтӧм мортӧс да туй мӧдарас вуджас.

2 Фессалоникаӧ 3:12

Татшӧм йӧзсӧ миян Господь Исус Кристос нимӧн корам да ышӧдам: уджалӧй рам сьӧлӧмӧн да ас ки помысь шедӧдӧй аслыныд кынӧмпӧттӧ.

Руфа 2:2

Моавса Руфа шыасис Ноеминь дорӧ: «Позяс-ӧ меным видз-му вылӧ петавны? Лэдзасны кӧ, усьласьӧм шепсӧ ӧктышта». Ноеминь вочавидзис: «Ветлы, нылӧй».

Руфа 2:4

Буретш сэки Вооз локтіс Виплиемысь да чолӧмасис ид вундысьяскӧд: «Господь тіянкӧд!» Сылы вочавидзисны: «Господь мед бурсиас тэнӧ!»