24 Тэнӧ ӧд керыштӧма вӧлі вӧрса пуысь да йитӧма быдтӧм пуыс дінӧ. А быдтӧм пу вожлы ёна кокньыдджык бӧр йитчыны мам пуыс дінӧ.
Иудейяс кӧ оз кольччыны эскытӧмлунас, найӧс лоӧ йитӧма. Енмыс вына бӧр йитны найӧс.
Вокъяс, мед ті энӧ мӧвпалӧй ас мывкыдсяньныд, висьтала тіянлы тайӧ гусяторсӧ – Израиль войтырӧс суис чорзьӧдчӧм, но эз ставнысӧ. Чорзьӧдчӧмыс кыссяс сэтчӧдз, кытчӧдз мукӧд войтыръясысь оз мездмы индӧм лыдыс.
Коркӧ ті, мукӧд войтыр, энӧ кывзысьӧй Енмыслысь, но Израильлӧн кывзысьтӧмлун вӧсна Енмыс вӧлі бур сьӧлӧма тіян дінӧ.
