1 Господь ӧксыалӧ! Мед нимкодясяс муыс, мед гажӧдчасны лыдтӧм-тшӧттӧм діяс!
Аллилуйя! Сьылӧй Господьлы выль сьыланкыв, эскана войтырлӧн чукӧртчӧмын ошкӧй Сійӧс!
менам лолӧй ошйысьӧ Господьӧн. Рам сьӧлӧмаяс кыласны тайӧс да кутасны нимкодясьны.
Енмӧй, войтыръяс мед ошкасны Тэнӧ, став войтыръяс мед нимӧдасны Тэнӧ.
Тайӧ лоӧ Господьлы шогманаджык ӧш дорысь, сюра да гыжъя ӧшпи дорысь.
Господь ӧксыалӧ! Полӧй-тіралӧй Сыысь, войтыръяс! Сійӧ пукалӧ херувимъяс вылын. Мед сыркакылас муыс!
И нӧшта на: – Ошкӧй Господьӧс, войтыръяс, ыдждӧдлӧй Сійӧс, став мувывса йӧз!
Сё нелямын нёль сюрс морт, кодъясӧс ньӧбӧма му вывсьыс, сьылісны выль сьыланкыв юралан пуклӧс водзын, нёль ловъя олысь да юрнуӧдысьяс водзын. Наысь кындзи некод эз куж сьывны сійӧс.
Найӧ сьылісны выль сьыланкыв: – Тэ шогман босьтны гартӧм гижӧдсӧ да жугӧдны печатьсӧ, ӧд Тэнӧ вӧлі начкӧма. Вирыд вылӧ Тэ ньӧбин миянӧс Енмыслы быд чужанвужйысь да чужанкотырысь, быд кыла йӧз пытшкысь да быд войтырысь.
