18 Мед веськаласны пыдӧстӧминӧ лёк вӧчысьяс, Енсӧ вунӧдысь войтыръяс.
Но Господьлӧн буралӧмыс помасьлытӧм Сыысь полысьяс дінӧ,
Ошкӧй Господьӧс, вына анделъяс, Сылӧн кыв серти вӧчысьяс, Сылысь висьталӧмсӧ кывзысьяс!
медым менӧ мустӧмтысь эз вермы менӧ, медым менӧ дзескӧдысь эз нимкодясь, кор ме уся.
Сэки войтырыс пондас повны Енмысь нэмъяс чӧж, кытчӧдз дзирдалас шонді да югъялас тӧлысь.
Найӧ нинӧмысь оз шогавны, найӧ ёнӧсь да дзоньвидзаӧсь.
Сьылӧй Господьлы, Сионын Олысьлы, войтыръяс пӧвстын висьтавлӧй Сылӧн уджъясыс йылысь!
Сэки тэнад лоӧ аскиа луныс, тэнад лачаыд оз кус.
Мывкыдлуныс татшӧм жӧ бур: аддзин кӧ мывкыдлунсӧ, тэнад эм аскиа луныс да лачаыс.
тшыгъялысьясӧс пӧттӧдзныс вердіс, озыръясӧс куш киӧн мӧдӧдіс.
Аслас велӧдчысьяс вылӧ видзӧдӧмӧн Исус висьталіс: «Шудаӧсь ті, ловныдлы корысьяс, ӧд тіян эм Енлӧн Юралӧм.
Кывзӧй, муса вокъяс! Енмыс бӧрйис тайӧ муюгыдсьыс гӧльясӧс, медым озырмӧдны найӧс эскӧмӧн да вичмӧдны налы Юраланінсӧ, мый Енмыс кӧсйысис сетны Сійӧс радейтысьяслы.
