11 Сылӧн вуджӧрыс вевттис керӧсъяс, сылӧн вожъясыс вевттисны Енлысь сус пуяссӧ.
Ошкӧй Господьӧс, вына анделъяс, Сылӧн кыв серти вӧчысьяс, Сылысь висьталӧмсӧ кывзысьяс!
Ошкӧй Господьӧс, Сылӧн тышкакотыръяс, Сылӧн кесъялысьяс – Сылӧн кӧсйӧм серти олысьяс!
медым менӧ мустӧмтысь эз вермы менӧ, медым менӧ дзескӧдысь эз нимкодясь, кор ме уся.
Господьӧй, ло бур сьӧлӧма миян дінӧ! Тэ вылӧ ми лача кутам. Водз асывсянь ло миянлы Дорйысьӧн, сьӧкыд кадӧ ло миянлы Мездысьӧн!
медым синтӧмъяслысь восьтны синсӧ, дорӧмаясӧс петкӧдны дзескыдінысь, пемыдын пукалысьясӧс – пемыдінысь.
Эн сет миянлы ылавны, но видз миянӧс омӧльысь. Ӧд Тэнад Юралӧмыд, выныд да дзирдлуныд помасьлытӧм. Аминь.
Ошкӧм Енлы! Аслас вынӧн Сійӧ уджалӧ миян пытшкын да вӧчӧ ёна унджык миян корӧм да мӧвпалӧм дорысь.
