9 Енэжсянь Тэ юӧртан мыждӧмтӧ. Муыс повзьӧ да чӧв ланьтӧ,
Лёк вӧчысь мед аслас синмӧн аддзылас шогсӧ, олігас мед ачыс юас Ставсӧвермысьлысь скӧрлунсӧ.
Сійӧ жугліс налысь виноград да инжир пуяссӧ, чегъяліс налӧн му вылысь мукӧд пуяссӧ.
Весиг матысса ёртӧй, кодлы ме эски, кодкӧд ӧтвыв сёйлім, сувтіс меным паныд.
Ме кӧсъя пыр овны Тэнад оланінын, кӧсъя сайӧдчыны Тэнад бордъяс улӧ.
Господьӧй, ло бур сьӧлӧма ме дінӧ, видзӧдлы, кутшӧма ме сьӧкыдала менӧ мустӧмтысьяс вӧсна. Тэ лэптан менӧ кулӧмыслӧн дзиръя дорысь.
Господь, Израильлӧн Ен, меным тадзи висьталіс: «Босьт Менам киысь вина чашасӧ, коді тырӧма Менам скӧрлунӧн, да юктӧд сэтысь став войтыръяссӧ, кодъяс дінӧ Ме мӧдӧда тэнӧ.
Тэ чашасӧ кушӧдз юан, торпыригӧдз жуглан, та бӧрын войтъяссӧ сэтысь нюлан, ассьыд морӧстӧ чашъян. Тайӧс шуи Ме, – висьталӧ Господь Ыджыдыс.
