18 Господьӧй, эн вунӧд, мый мустӧмтысь лёкӧдӧ Тэнӧ, мывкыдтӧм йӧз омӧльтӧны Тэнсьыд нимтӧ.
Господьӧй, Тэнад буралӧмыд – енэжӧдзыс, Тэнад збыльыд – кымӧръясӧдзыс.
Но менӧ мустӧмтысьяс олӧны да вынсялӧны, унаӧн помкатӧг мустӧмтӧны менӧ.
Та вӧсна налӧн туйыс лоӧ пемыдінын вильыд туй кодь. Найӧс йӧткыштасны, и найӧ усясны тайӧ вильыд туй вылас. Найӧс мыждан воӧ Ме мӧдӧда налы шог, – висьталӧ Господь.
Ме мынтыся, Ме перъя водзӧссӧ сійӧ лунӧ, кор налӧн кокныс лигышмунас. Ӧд найӧс бырӧдан луныс матын, регыд збыльмас налы дасьтӧмаыс.
Найӧс лоӧ мыждӧма пыр кежлӧ кулӧм вылӧ, торйӧдӧма Господьысь, Сылӧн дзирдлунысь да вынысь.
