1 Сьылысьясӧн веськӧдлысьлы. Ворсӧны струнаа ворсанторйӧн. Псалом. Сьыланкыв.
Тадзи буксан да труба шы улӧ гораа нимкодясьӧмӧн, кимвалӧн, арфаӧн да гуслиӧн ворсӧмӧн став Израиль войтыр вуджӧдіс Господьлысь Йитӧд кудсӧ.
Давидлӧн псалом. Господьӧй, ме кута сьывны Тэныд ошкӧм, кута сьывны буралӧмыд да веськыдлуныд йылысь.
Став ловъя олысьыс мед ошкас Господьӧс! Аллилуйя! Ошкӧм.
Тайӧс аддзасны рам сьӧлӧмаяс да кутасны нимкодясьны, Енсӧ корсьысьяслӧн сьӧлӧмныс ловзяс.
Асафлӧн псалом. Енмыс сувтіс енэжвывса олысьяс водзӧ, висьталіс налы мыждӧмсӧ:
Господь ӧксыалӧ! Мед нимкодясяс муыс, мед гажӧдчасны лыдтӧм-тшӧттӧм діяс!
Тэ – вына Ӧксы, Тэ радейтан збыльсӧ, Тэ вынсьӧдін Ассьыд веськыдлунтӧ. Яковсянь чужысьясӧс Тэ веськыда мыждін, вӧчин налы збыльыд серти.
Му помсяньыс ми кылам сьыланкыв, веськыда вӧчысь Енлы ошкӧм. А ме шуа: «Шог меным, шог меным, курыд шог меным! Ылӧдчысьяс ылӧдлӧны, ылӧдчысьяс наяна ылӧдлӧны».
