3 Господьӧй, ло бур сьӧлӧма ме дінӧ, ӧд ме жеб. Бурдӧд менӧ, ӧд став лыӧй менам юкалӧ.
Господьӧй, мый меным виччысьны? Тэ вылӧ ме лача кута.
Мыйла шогсян да майшасян, менам лолӧй? Лача кут Ен вылӧ! Ме кута на ошкыны Сійӧс, ассьым Енмӧс да Мездысьӧс. Ошкӧм.
Найӧ мед лача кутасны Ен вылӧ, мед оз вунӧдны Енлысь уджъяссӧ, а Енлысь тшӧктӧмъяссӧ мед видзасны сьӧлӧманыс.
Господьӧй, ло бур сьӧлӧма ме дінӧ, видзӧдлы, кутшӧма ме сьӧкыдала менӧ мустӧмтысьяс вӧсна. Тэ лэптан менӧ кулӧмыслӧн дзиръя дорысь.
Яда змей вылӧ тувччан, талялан левӧс да гундырӧс.
Мӧдӧс кывзытӧг вочавидзысь – вежӧртӧм, сійӧ асьсӧ янӧдӧ.
Господьӧй, бурдӧд менӧ, и ме бурда. Мезды менӧ, и ме мездма, ӧд ме ошка Тэнӧ!
Сійӧ шуис: «Шогӧй кувмӧн топӧдӧ лолӧс. Олыштӧй Мекӧд тані да энӧ узьӧй».
А Енмыс ӧмӧй оз дорйы Ассьыс бӧрйӧмаяссӧ, кодъяс лун и вой корӧны отсӧгсӧ Сылысь? Сёрмас ӧмӧй Сійӧ сетны отсӧгсӧ?
Ӧні Менам сьӧлӧмӧй ёна майшасьӧ. Мый Меным шуны? Батьӧй, мезды Менӧ тайӧ кадсьыс! Но дзик тайӧ кад кежлас Ме локті.
